DOG 252 do 16/12/2020 - ANUNCIO do 3 de decembro de 2020 polo que se abre o prazo para presentar solicitudes para o ano 2021 de pase á segunda actividade do persoal das categorías de bombeiro/a forestal do Servizo de Prevención e Defensa contra Incendios Forestais, derivado do publicado pola Resolución do 9 de xaneiro de 2017, da Secretaría Xeral de Emprego, da Consellería de Economía, Emprego e Industria.

IV. Oposicións e concursos

Consellería de Facenda e Administración Pública

ANUNCIO do 3 de decembro de 2020 polo que se abre o prazo para presentar solicitudes para o ano 2021 de pase á segunda actividade do persoal das categorías de bombeiro/a forestal do Servizo de Prevención e Defensa contra Incendios Forestais, derivado do publicado pola Resolución do 9 de xaneiro de 2017, da Secretaría Xeral de Emprego, da Consellería de Economía, Emprego e Industria.

O acordo para aplicar a segunda actividade no Servizo de Prevención e Defensa contra Incendios Forestais dispón na súa instrución quinta que o prazo de solicitude de segunda actividade abranguerá o mes de xaneiro de cada ano natural. O pase á segunda actividade realizarase de acordo coas seguintes especificacións:

Primeiro. Poden solicitar o pase á segunda actividade os traballadores fixos e temporais das categorías de bombeiros/as forestais que fagan ou teñan feitos xa no ano 2021 os 60 anos de idade, que non estean acollidos á xubilación parcial e que se comprometan a xubilarse á idade legalmente establecida ou, de seren maiores de 65 anos, no prazo dun ano despois de concedida a segunda actividade.

Segundo. Para os efectos do pase á segunda actividade, os interesados terán que solicitar no modelo do anexo II os postos de traballo que figuran no anexo I deste anuncio dos centros situados dentro da súa comarca de adscrición. De non haber postos dentro da súa comarca, poderán solicitar simplemente o pase á segunda actividade para realizar tarefas preventivas ou de apoio loxístico ao Servizo de Prevención e Defensa contra Incendios Forestais sen vinculación directa á extinción de incendios, ben que tamén poderán pedir voluntariamente postos do referido anexo situados noutras localidades e, mesmo, adscrición a comarcas ou distritos distintos daquel en que prestan servizos.

Terceiro. As solicitudes (anexo II) deberán ir acompañadas do compromiso de xubilación (anexo III) e remitiránselle á Consellería do Medio Rural, que será a competente para realizar a proposta de adscrición a segunda actividade á Dirección Xeral da Función Pública, que é a competente para resolver todas as solicitudes presentadas.

Cuarto. Para os efectos de resolver as adscricións á segunda actividade, terán preferencia os que teñan destino definitivo no mesmo ámbito, a seguir os que teñan destino provisional e, por último, os solicitantes que teñan o destino definitivo noutro ámbito. No caso de empate dentro dos integrantes de cada un dos tres grupos sinalados anteriormente, terá preferencia na localidade o que teña máis antigüidade e, se persiste o empate, resolverase a prol de quen teña maior idade.

Quinto. O prazo de solicitude será do día 2 de xaneiro ata o día 31 de xaneiro de 2021, ambos inclusive.

Santiago de Compostela, 3 de decembro de 2020

Valeriano Martínez García
Conselleiro de Facenda e Administración Pública

ANEXO I

Postos vacantes que se ofertan a 2ª actividade

Centro directivo	Centro de destino	Comarca forestal	Localidade do centro	Código do posto	Grupo e categoría	Denominación	Observacións RPT	Tipo de posto
Agacal	Centro de Formación e Experimentación Agroforestal de Sergude	Santiago	Boqueixón	MR3010030215120020	III.68.	Oficial 1ª agrario/a	Xornada especial//B10 // B14	12 meses
Agacal	Centro de Investigacións Agrarias de Mabegondo	A Coruña	Abegondo	MR3010050115010072	III.68.	Capataz agrario/a	B10	12 meses
Agacal	Centro de Investigacións Agrarias de Mabegondo	A Coruña	Abegondo	MR3010050115010095	III.68.	Oficial 1ª agrario/a	B18	12 meses
Agacal	Centro de Investigacións Agrarias de Mabegondo	A Coruña	Abegondo	MR3010050115010113	IV.9.	Oficial 2ª agrario/a	B10	12 meses
Agacal	Estación Experimental de Gandaría de Montaña de Marco da Curra	Eume	Monfero	MR3010050215490003	III.68.	Oficial 1ª agrario/a	Xornada especial // B10 // B14	12 meses
Agacal	Estación Experimental Agrícola do Baixo Miño	Vigo	Salceda de Caselas	MR3010050436480072	V.8.	Peón/oa agrario/a	Xornada especial // B11 // B14	12 meses
Agacal	Estación de Viticultura e Enoloxía de Galicia	O Ribeiro	Leiro	MR3010050532400015	IV.9.	Oficial 2ª agrario/a	B10 // B11	12 meses
Agacal	Laboratorio Agrario e Fitopatolóxico de Galicia	A Coruña	Abegondo	MR3010050715010111	III.17.	Analista de laboratorio	B10 // B11	12 meses
Agacal	Laboratorio Agrario e Fitopatolóxico de Galicia	A Coruña	Abegondo	MR3010050715010112	III.17.	Analista de laboratorio	B10 // B11	12 meses
Agacal	Laboratorio Agrario e Fitopatolóxico de Galicia	A Coruña	Abegondo	MR3010050715010113	III.17.	Analista de laboratorio	B10 // B11	12 meses
Agacal	Laboratorio Agrario e Fitopatolóxico de Galicia	A Coruña	Abegondo	MR3010050715010123	III.17.	Analista de laboratorio	B10 // B11	12 meses
Agacal	Laboratorio Agrario e Fitopatolóxico de Galicia	A Coruña	Abegondo	MR3010050715010141	V.12.	Mozo/a de laboratorio	B10 // B11	12 meses
Agacal	Centro de Investigación Forestal de Lourizán	Pontevedra-O Morrazo	Pontevedra	MR3010050836001077	V.10F.	Peón/oa forestal	B10 // B11 // B18	12 meses
D. X. de Gandaría, Agr. e I. A.	Laboratorio de Sanidade e Produción Animal de Galicia	Lugo	Lugo	MRC050010127001064	III.17.	Analista de laboratorio	B10 // B11	12 meses
D. X. de Gandaría, Agr. e I. A.	Centro de Recursos Zooxenéticos de Galicia	Ourense	Coles	MRC050010432260111	III.64.	Oficial 1ª tractorista	B10 // B11 // B14 // B18	12 meses
D. X. de Gandaría, Agr. e I. A.	Centro de Recursos Zooxenéticos de Galicia	Ourense	Coles	MRC050010432260122	IV.9.	Oficial 2ª agrario/a	B10 // B11 // B14 // B18	12 meses
X. T. Lugo	Servizo de Infraestruturas Agrarias	Lugo	Lugo	MRC991040127001076	IV.1.	Operador/a de máquinas básicas		12 meses
X. T. Lugo	Viveiro Forestal Os Trollos	Terra de Lemos	Bóveda	MRC995510127080011	V.10F.	Peón/oa forestal	B10 // B11	12 meses
X. T. Lugo	Viveiro Forestal Os Trollos	Terra de Lemos	Bóveda	MRC995510127080012	V.10F.	Peón/oa forestal	B10 // B11	12 meses
X. T. Ourense	Viveiro Forestal A Chaira	Ourense	Pereiro de Aguiar	MRC995510132570003	V.10F.	Peón/oa forestal	B10 // B11	12 meses
Agacal	Centro de Investigacións Agrarias de Mabegondo	A Coruña	Abegondo	MR30100…15001..	IV.3.	Auxiliar sanitario		12 meses
Agacal	Centro de Investigacións Agrarias de Mabegondo	A Coruña	Abegondo	MR30100…15001..	IV.3.	Auxiliar sanitario		12 meses
Agacal	Centro de Investigación Forestal de Lourizán	Pontevedra - O Morrazo	Pontevedra	MR30100…32001..	IV.11.	Auxiliar de laboratorio		12 meses
Agacal	Centro de Formación e Experimentación Agroforestal de Pedro Murias	Mariña Oriental	Ribadeo	MR3010030527500019	IV.9.	Oficial 2ª agrario/a	Xornada especial // B10 // B14	12 meses
X. T. A Coruña	Xefatura Territorial	A Coruña	A Coruña	MRC991000015001178	III.82.	Oficial 1ª mecánico/a		12 meses
Agacal	Centro de Investigacións Agrarias de Mabegondo	A Coruña	A Coruña	MR3010050115010094	III.68.	Oficial 1ª agrario/a	B18	12 meses
Agacal	Subdirección Xeral de Formación e Transferencia Tecnolóxica	Santiago	Santiago de Compostela	MR3010000315770060	IV.14.	Auxiliar oficios		12 meses
Agacal	Centro de Investigacións Agrarias de Mabegondo	A Coruña	Abegondo	MR3010050115010117	IV.9.	Oficial 2ª agrario/a	B10	12 meses
X. T. Lugo	Viveiro Forestal San Breixo	Vilalba	Guitiriz	MRC995510127220010	V.10F.	Peón/oa forestal	B10 // B11	12 meses

Anexo III

Compromiso de xubilación

_______________________________________________, con DNI ____________, coa categoría de ____________ e destino no posto ________________, para os efectos de solicitar o meu pase á segunda actividade, comprométome a xubilarme:

□ Á idade legalmente establecida

□ Ao finalizar o prazo dun ano desde a data de efectos da adscrición por pase á segunda actividade (para o caso de solicitantes que teña feitos os 65 anos)

O que asino en ________________, o _____________________.

Asdo. __________________