O Pleno do Concello de Cerceda, reunido en sesión ordinaria do 28 de maio de 2020, aprobou inicialmente o documento da modificación puntual das normas subsidiarias de Cerceda para a reclasificación de solo urbanizable e a ordenación detallada dun sector en Areosa-Queixas.
Foi publicado anuncio no DOG o día 23 de xuño de 2020, data en que comezaba o prazo de dous meses preceptuado como de información pública.
Ao terse publicado o anuncio en La Voz de Galicia (ed. Carballo) con data do 26 de xullo de 2020, non se cumpriu escrupulosamente co artigo 60.6 da Lei 2/2016, do solo de Galicia, polo que procede abrir un novo e complementario prazo de información pública mediante anuncio no Diario Oficial de Galicia e en La Voz de Galicia (ed. Carballo), polo prazo de 25 días hábiles contados desde a data do último anuncio publicado.
A documentación sometida á información pública inclúe, ademais dos documentos integrantes da modificación puntual, un resumo executivo e o informe ambiental estratéxico no cal se decide non someter ao procedemento de avaliación ambiental ordinaria a modificación, por non ter efectos significativos sobre o ambiente.
Cerceda, 3 de decembro de 2020
Juan Manuel Rodríguez García
Alcalde presidente