A Alcaldía do Concello do Barco de Valdeorras, mediante a Resolución do 21 de decembro de 2020, aprobou a oferta de emprego público desta administración para o ano 2020, que é a seguinte:
A. Funcionarios de carreira:
A.1. Funcionarios de administración xeral:
– 1 praza de funcionario de carreira, escala de administración xeral, subescala auxiliar (1 praza), que se atopa integrada no grupo C, subgrupo C2.
O prazo máximo para a convocatoria dos procesos selectivos será o 31 de maio de 2021, o prazo de remate do proceso selectivo prevese o 31 de xaneiro de 2022 e a selección realizarase mediante oposición en quenda libre.
– 1 praza de funcionario de carreira, escala de administración xeral, subescala administrativa (1 praza), que se atopa integrada no grupo C, subgrupo C1.
O prazo máximo para a convocatoria dos procesos selectivos será o 31 de maio de 2021, o prazo de remate do proceso selectivo prevese o 31 de xaneiro de 2022 e a selección realizarase mediante oposición en quenda libre.
A.2. Funcionarios do corpo de Policía local:
– 2 prazas de funcionario de carreira, escala básica, categoría policía, denominación policía local, integradas no grupo C, subgrupo C1.
O prazo máximo para a convocatoria será o 31 de decembro do 2021. A selección realizarase para unha das prazas mediante concurso en quenda de mobilidade e outra mediante oposición en quenda libre, o prazo de remate do proceso selectivo prevese o 31 de setembro de 2022.
– 1 praza de funcionario de carreira, escala executiva, categoría inspector, integrada no grupo A, subgrupo A2, por promoción interna, mediante concurso oposición, entre o persoal do corpo de Policía local do Concello do Barco de Valdeorras que teña un mínimo de tres anos de antigüidade na categoría de oficial e posúa a titulación académica de acceso á categoría.
Persoal laboral:
– 1 praza de persoal laboral fixo, director da Escola Infantil Municipal, a selección realizarase en quenda libre e mediante concurso oposición.
Establécese o concurso oposición ao considerar que resulta unha vantaxe para esta administración, debido á natureza das funcións que vai desenvolver na praza, que o aspirante que resulte seleccionado teña experiencia e/ou coñecementos previos no desenvolvemento das funcións encomendadas.
O Barco de Valdeorras, 21 de decembro de 2020
Alfredo L. García Rodríguez
Alcalde
