De conformidade co establecido na Orde do 21 de abril de 2010 pola que se aproban as bases xerais das probas para a obtención da habilitación do persoal de control de acceso a espectáculos públicos e actividades recreativas (DOG núm. 24, do 5 de febreiro), esta dirección xeral
RESOLVE:
Aprobar as listas provisionais de admitidos e excluídos ás probas para a renovación da habilitación do persoal de control de acceso a espectáculos públicos e actividades recreativas, convocadas pola Resolución do 26 de outubro de 2020 pola que se convocan as probas para a renovación da habilitación do persoal de control de acceso a espectáculos públicos e actividades recreativas (DOG núm. 225, do 6 de novembro).
A listaxe provisional de aspirantes admitidos poderá consultarse a través da páxina web oficial da Academia Galega de Seguridade Pública, http://agasp.xunta.gal.
A listaxe provisional de aspirantes excluídos, con indicación de causa determinante da súa exclusión, figura como anexo a esta resolución.
Os aspirantes excluídos dispoñerán dun prazo de dez días hábiles, contados a partir do día seguinte ao da publicación da presente resolución no Diario Oficial de Galicia, para emendar o defecto que motivou a exclusión.
Os aspirantes que dentro do prazo sinalado non emenden os defectos motivo de exclusión serán excluídos definitivamente.
Así mesmo, os aspirantes que non figuren na relación de admitidos nin na de excluídos dispoñerán do mesmo prazo co obxecto de formular reclamación.
A Estrada, 23 de decembro de 2020
Santiago Villanueva Álvarez
Director xeral da Academia Galega de Seguridade Pública
ANEXO
Apelidos |
Nome |
Causa de exclusión |
Carvalho Gonçalves Tulula |
Antonio Joao |
2 |
Martínez López |
Óscar |
2 |
Torres González |
Miguel Ángel |
1 |
Código |
Descrición |
1 |
Debe presentar documentación acreditativa de efectuar o pagamento da taxa ou certificado do Servizo de Emprego de estar exento como demandante de emprego |
2 |
Debe solicitar o certificado de antecedentes penais de maneira presencial |