O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para lle dar cumprimento a esa obriga,
DISPOÑO:
Dar publicidade á relación de convenios subscritos pola Axencia Galega para a Xestión do Coñecemento en Saúde nos meses de setembro, outubro, novembro e decembro do ano 2020, que se incorpora como anexo a esta resolución.
Santiago de Compostela, 19 de xaneiro de 2021
Antonio Fernández-Campa García-Bernardo
Xerente da Axencia Galega para a Xestión do Coñecemento en Saúde
Anexo
Convenio |
Importe económico |
Data da sinatura |
Convenio entre a Consellería de Sanidade, o Servizo Galego de Saúde e a Axencia Galega para a Xestión do Coñecemento en Saúde para a modificación do réxime de libramento das transferencias correntes de financiamento |
Sen achega económica |
4.6.2020 |
Convenio de colaboración empresarial entre a Axencia Galega para a Xestión do Coñecemento en Saúde e Celta Ingenieros, S.L. para a organización da actividade formativa Formación en ecografía |
Ingreso 5.367,00 € |
30.10.2020 |
Convenio de colaboración entre a Axencia Galega para a Xestión do Coñecemento en Saúde e o Consello Consultivo de Galicia para a organización da actividade formativa A instrución dos procedementos en materia de responsabilidade patrimonial sanitaria |
Sen achega económica |
9.11.2020 |
Convenio de colaboración empresarial entre a Axencia Galega para a Xestión do Coñecemento en Saúde e Otsuka Pharmaceutical, S.A. para a elaboración da webinar Experiencias estratéxicas de atención farmacéutica arredor do paciente |
Ingreso 5.357,00 € |
9.12.2020 |