Con data do 12.11.2013 ditouse sentenza firme polo Xulgado do Social número 1 de Lugo, no procedemento de recoñecemento de dereitos número 886/2012. Na súa resolución, a sentenza establece que, unha vez admitida a demanda formulada por Amelia Taboada Rodríguez fronte á Consellería do Medio Rural da Xunta de Galicia, que declara o dereito da demandante á aplicación do disposto nas disposicións transitorias décima do Convenio colectivo único para o persoal laboral da Xunta de Galicia e sétima do texto refundido da Lei da función pública de Galicia, e condena a demandada a estar e pasar por esta declaración.

Logo de iniciado un procedemento de execución xudicial de títulos xudiciais tramitado co número 123/2015, ditouse Auto do 14.12.2020 que sinala na súa parte dispositiva que se rexeita o recurso de reposición interposto pola representación da demandada, a Consellería do Medio Rural e do Mar da Xunta de Galicia, contra a dilixencia de ordenación do 3.11.2020, que se confirma integramente.

As indicadas resolucións xudiciais afectan a praza que ocupa a demandante Amelia Taboada Rodríguez, con DNI número ***4414**, co código MRO191000027001029.

No anexo IV da Orde do 22 de novembro de 2019 pola que se convoca o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galicia, subgrupo C2 (DOG núm. 224, do 25 de novembro), ofértase a praza MRO191000027001029.

Polo que en virtude do disposto na Sentenza do 12.11.2013, ditada no procedemento número 886/2012 polo Xulgado do Social número 1 de Lugo, esta Dirección Xeral da Función Pública

RESOLVE:

Primeiro. Modificar a Orde do 22 de novembro de 2019 pola que se convoca o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galicia, subgrupo C2 (DOG núm. 224, do 25 de novembro), no seguinte sentido:

1º. Retirar do anexo IV a praza co código MRO191000027001029.

2º. Modificar a base I.1, no seguinte sentido: o obxecto do proceso selectivo será cubrir trescentas dezanove (319) prazas do corpo auxiliar da Administración xeral da Comunidade Autónoma de Galicia, subgrupo C2, correspondentes á oferta de emprego público do exercicio 2019, á cal se acumulan as provenientes da oferta de 2018, segundo se detalla:

– Oferta de emprego público do exercicio 2018, aprobada polo Decreto 160/2018, do 13 de decembro (DOG núm. 239, do 17 de decembro): oitenta e sete (87) prazas de acceso libre, das que oito (8) están reservadas á quenda de persoas con discapacidade; setenta e cinco (75) prazas do proceso de estabilización, das cales cinco (5) están reservadas á quenda de persoas con discapacidade, e trinta e cinco (35) prazas do proceso de consolidación do persoal indefinido non fixo, das cales catro (4) están reservadas á quenda de persoas con discapacidade (segundo se indica no anexo IV).

Segundo. Contra esta resolución, que pon fin á vía administrativa, poderase presentar recurso potestativo de reposición ante o conselleiro de Facenda e Administración Pública no prazo dun (1) mes contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo, no prazo de dous (2) meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 28 de xaneiro de 2021

O conselleiro de Facenda e Administración Pública
P.D. (Orde do 8.1.2020)
José María Barreiro Díaz
Director xeral da Función Pública