O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Darlle publicidade á relación dos convenios subscritos polo Instituto de Estudos do Territorio no terceiro cuadrimestre do ano 2020, que se incorpora como anexo a esta resolución.
Santiago de Compostela, 29 de xaneiro de 2021
Francisco Barea Paz
Director do Instituto de Estudos do Territorio
ANEXO
Convenio |
Obxecto do convenio |
Achega económica do IET |
Data de sinatura |
Convenio entre o Ministerio de Transportes, Mobilidade e Axenda Urbana, a través do Centro Nacional de Información Xeográfica, e a Comunidade Autónoma de Galicia, a través do Instituto de Estudos do Territorio, organismo autónomo da Consellería de Medio Ambiente, Territorio e Vivenda, para a obtención dunha cobertura de imaxes aéreas e ortofotos de 2020 de Galicia. |
Coordinación de actuacións conxuntas para a obtención de coberturas de voo fotogramétrico dixital e de ortoimaxes dixitais en cor no territorio da Comunidade Autónoma de Galicia. |
200.525,28 € |
1.10.2020 |
Convenio de colaboración entre o organismo autónomo Instituto de Estudos do Territorio, o Consorcio Turismo Ribeira Sacra e a Federación Galega de Municipios e Provincias polo que se aproba o Pacto pola paisaxe para a protección, xestión e ordenación da paisaxe na futura área de especial interese paisaxístico 05-03 Ribeira Sacra. |
Establecer as condicións básicas para a colaboración entre as partes asinantes que, de xeito voluntario, subscriben e desenvolven o pacto pola paisaxe para a protección, xestión e ordenación da paisaxe da Ribeira Sacra mediante a realización das actuacións necesarias para dar cumprimento ao pacto, mellorando as paisaxes e a calidade de vida de cidadáns no marco do desenvolvemento sustentable. Todas as actuacións descritas na programación desenvolveranse en bens de titularidade dos concellos integrantes do consorcio. |
550.000 € |
5.10.2020 |
2ª addenda ao convenio de colaboración entre o organismo autónomo Instituto de Estudos do Territorio, o Concello de Cerdedo-Cotobade e a Federación Galega de Municipios e Provincias polo que se aproba o pacto pola paisaxe para a protección, xestión e ordenación da paisaxe Meandros do Lérez e Serra do Cando. |
Modificar a cláusula cuarta do convenio inicial para ampliar, ata o 18.12.2020, a data límite de presentación da documentación de xustificación de gasto por parte do Concello de Cerdedo-Cotobade, atraso orixinado por mor da situación de pandemia internacional declarando como tal a OMS a situación de emerxencia de saúde pública ocasionada pola COVID-19. |
Sen achega económica |
25.11.2020 |
Addenda ao convenio de colaboración entre a Axencia Turismo de Galicia, o organismo autónomo Instituto de Estudos do Territorio, a Axencia Galega de Desenvolvemento Rural e a Fundación Galicia Sustentable para o Desenvolvemento da Senda dos Faros. |
Modificar as cláusulas segunda e sexta do convenio inicial para favorecer que a entidade beneficiaria poida realizar as actuacións relativas á fase VII do convenio, así como presentar a documentación xustificativa, atrasados ambos os dous por mor da declaración da OMS de pandemia internacional a situación de emerxencia de saúde pública ocasionada pola COVID-19. |
Sen achega económica |
25.11.2020 |
Addenda ao convenio de colaboración entre o organismo autónomo Instituto de Estudos do Territorio, o Consorcio Turismo Ribeira Sacra e a Federación Galega de Municipios e Provincias polo que se aproba o Pacto pola paisaxe para a protección, xestión e ordenación da paisaxe na futura área de especial interese paisaxístico 05-03 Ribeira Sacra. |
Modificación das cláusulas segunda, terceira, sexta, sétima e número 2 da letra d) do anexo ao punto 2 “contido xeral do documento”, para facer un reaxuste das anualidades inicialmente previstas e adaptar o ritmo de execución das actuacións e os importes das anualidades. |
Sen achega económica |
29.12.2020 |
Convenio de colaboración entre a Consellería do Medio Rural, a Axencia Galega de Desenvolvemento Rural, o Fondo Galego de Garantía Agraria, a Axencia Tributaria de Galicia, o Instituto de Estudos do Territorio, a Fundación Juana de Vega e a Universidade de Santiago de Compostela para a observación da mobilidade e o mercado da terra en Galicia. |
Establecer as condición polas que se vai rexer a colaboración entre os asinantes do convenio para a análise da información que permita facer un seguimento da mobilidade e o mercado da propiedade rústica en Galicia, a modo de Observatorio galego de mobilidade das terras. |
Sen achega económica |
30.12.2020 |