Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométense a información pública as peticións de autorización administrativa previa e autorización administrativa de construción, e da declaración de utilidade pública, en concreto, que segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa, da instalación eléctrica que se describe:

Solicitante: UFD Distribución Electricidad, S.A.

Domicilio social: avenida San Luis, 77, 28033 Madrid.

Denominación: regulamentación LMTA ALB803 - apoio nº D38-23.

Situación: concello do Carballiño.

Características técnicas: substitución de 3 apoios, números D38-21, D38-22, D38-23, con retensado de condutor LA-56 en tramos afectados, con orixe no apoio número D38-20 existente de tipo HV-13/1000 da LMT ALB803 e final en apoio número D38-27.

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións dirixidas a esta xefatura territorial, rúa Curros Enríquez, nº 1, 4º, 32071 Ourense, no prazo de trinta días, contados a partir da última publicación ou notificación individual.

O proxecto encóntrase á disposición do público para a súa consulta nesta xefatura territorial e no portal da Vicepresidencia Segunda e Consellería de Economía, Empresa e Innovación (http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar por escrito os datos oportunos para rectificar posibles erros na relación de persoas, bens e dereitos afectados, así como formular alegacións por razón do disposto no artigo 145 do Real decreto 1955/2000 anteriormente citado.

Ourense, 27 de xaneiro de 2021

Pablo Fernández Vila
Xefe territorial de Ourense

ANEXO

Relación de bens e de dereitos afectados

Nº de expediente: IN407A 2021/6-3.

Termo municipal: O Carballiño.

Denominación da instalación: regulamentación LMTA ALB803-apoio nº D38-23.

Predio nº: 1.

Lugar: Contos de Arriba.

Referencia catastral: 32020A049004640000RL.

Titular: descoñecido.

Afección: 2 m² de ocupación para o apoio D38-21.

Predio nº: 2

Lugar: Castiñeiro.

Referencia catastral: 32020A049009070000RP.

Titular: descoñecido.

Afección: 2 m² de ocupación para o apoio D38-22.

Predio nº: 3

Lugar: Castiñeiro.

Referencia catastral: 32020A049004100000RD.

Titular: descoñecido.

Afección: 2 m² de ocupación para o apoio D38-23.