De conformidade co disposto no artigo 47 quáter 2 da Lei 6/2011, do 13 de outubro, de mobilidade de terras, sométense a información pública os borradores de guías de ordenación produtiva que se relacionan no anexo.
Os borradores de guías de ordenación produtiva sométense a información pública polo prazo dun (1) mes, contado a partir do día seguinte ao da publicación deste anuncio no Diario Oficial de Galicia, no taboleiro de anuncios do concello en que se sitúe a aldea e na páxina web da Axencia Galega de Desenvolvemento Rural, durante o cal se poderán examinar a) de xeito presencial, nas dependencias da Agader (Lugar da Barcia, nº 56, Laraño, Santiago de Compostela, A Coruña) das 9.00 ás 14.00 horas, de luns a venres, logo de cita individual no teléfono 881 99 71 93, e b) na páxina web da Axencia Galega de Desenvolvemento Rural (https://agader.xunta.gal/gl/banco-de-terras/aldeas-modelo/ ou https://agader.xunta.gal/es/banco-de-tierras/aldeas-modelo/) se é un suxeito que opta por relacionarse electronicamente coas administracións públicas, ou está obrigado a relacionarse de tal xeito.
Durante este prazo poderanse realizar as achegas e alegacións que se consideren oportunas, mediante escrito dirixido á directora xeral da Axencia Galega de Desenvolvemento Rural, por calquera dos medios previstos no artigo 16 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 13 de febreiro de 2021
Inés Santé Riveira
Directora xeral da Axencia Galega de Desenvolvemento Rural
ANEXO
Borradores de guías de ordenación produtiva
– Zona de actuación para o Proxecto de aldea modelo do Penedo (Boborás-Ourense).
– Zona de actuación para o Proxecto de aldea modelo de Muimenta (Carballeda de Avia-Ourense).
– Zona de actuación para o Proxecto de aldea modelo de Infesta (Monterrei-Ourense).
– Zona de actuación para o Proxecto de aldea modelo de Reboredo (O Pereiro de Aguiar-Ourense).
– Zona de actuación para o Proxecto de aldea modelo de Xacebáns (Quintela de Leirado-Ourense).
– Zona de actuación para o Proxecto de aldea modelo de Trelle (Toén-Ourense).
– Zona de actuación para o Proxecto de aldea modelo de Moreda (Folgoso do Courel-Lugo).
– Zona de actuación para o Proxecto de aldea modelo de Meixide-A Veiga (Ourense).