O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 de decembro), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19 de outubro), regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, sométese a información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, o documento titulado:
Memoria de renovación de autorización ambiental integrada Explotaciones Porcinas As Cabanas, S.L.
Para que calquera interesado poida consultalo e, de ser o caso, presentar dentro do citado prazo as alegacións, suxestións ou observacións que considere convenientes.
O documento estará á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela). Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada >>proxectos en información pública).
Santiago de Compostela, 29 de xaneiro de 2021
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático
ANEXO
Memoria resumo
Expediente: 2019-IPPC-M-099.
Núm. da autorización ambiental integrada: 2008/0049_NAA/IPPC_232.
Categoría principal da actividade: anexo I, grupo 9.3.c).
Titular: Explotaciones Porcinas As Cabanas, S.L.
CIF: B32502858.
Domicilio social: rúa Carmen Novoa Diz, núm. 40-3º A, Xinzo de Limia (Ourense).
Localización da instalación: Paraxe do Rio, concello de Sarreaus (Ourense).
Actividade principal: explotación porcina para engorda de porcos.
Descrición: explotación porcina con 3.802 porcos de ceba dispostos en 3 naves (A, B, C). A instalación conta con silos de penso e cun sistema de fosas interiores e exteriores que garante o almacenamento do xurro producido en 6 meses.
Verteduras: as aguas residuais xeradas na limpeza das naves e as residuais xeradas nos aseos son recollidas e conducidas cara o sistema de fosas interiores de xurro e xestionaranse conxuntamente con ese xurro. As augas pluviais verteranse directamente ao terreo.
Unha porcentaxe do xurro xerado no interior das naves será valorizado coma fertilizante en parcelas de uso agrícola e outra porcentaxe será recollida por un xestor autorizado.
