O Consello de Contas de Galicia recibiu un oficio do Xulgado do Contencioso-Administrativo número 2 de Santiago de Compostela polo que solicita o emprazamento de cantos aparezan como interesados no recurso contencioso-administrativo PA 426/2020 contra a desestimación do recurso de alzada interposto contra o acordo do Pleno do Consello de Contas presentado contra o Acordo da Comisión de Goberno, do 13 de xullo de 2020, polo que se convoca proceso selectivo de consolidación de emprego temporal para o acceso a postos de auxiliar administrativo (subgrupo C2).

En consecuencia, o conselleiro maior do Consello de Contas acordou mediante Resolución do 24 de febreiro de 2021, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, achegar o correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos no referido xulgado no prazo de nove días, contado desde o seguinte ao da publicación desta resolución no Diario Oficial de Galicia.

Santiago de Compostela, 4 de marzo de 2021

José Antonio Redondo López
Conselleiro maior do Consello de Contas de Galicia