Tipo e número de recurso: RSU. Recurso de suplicación 2455/2020-IG

Xulgado de orixe/autos: PO. Procedemento ordinario 562/2019. Xulgado do Social número 6 da Coruña

Recorrente: Constructora Los Álamos, S.L.

Avogada: Ana Suárez Botas

Recorridos: Rubén Arando Ynarra, Aisla Sinxelo, S.L.

Avogado: David Lago Silva

Eu, Carmen Iglesias Fungueiro, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 2455/2020 desta sección, seguido por instancia da Constructora Los Álamos, S.L. contra Rubén Arando Ynarra e a entidade Aisla Sinxelo, S.L., sobre reclamación de cantidade, se ditou a seguinte resolución:

«Que, desestimamos o recurso de suplicación interposto por Constructora Los Álamos, S.L. contra a Sentenza do 17 de xaneiro de 2020, do Xulgado do Social número 6 da Coruña, en Autos 562/2019, sobre cantidades, que confirmamos. Condénase en custas a recorrente, o que inclúe a cantidade de 550 € en concepto de honorarios do letrado impugnante.

Notifíqueselles esta resolución ás partes e á Fiscalía do Tribunal Superior de Xustiza de Galicia.

Incorpórese o orixinal desta sentenza, pola súa orde, ao libro de sentenzas do Tribunal Superior de Xustiza de Galicia. Sala do Social.

Modo de impugnación. Fáiselles saber ás partes que contra esta sentenza cabe interpoñer recurso de casación para unificación de doutrina que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes ao da data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguido de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 no canto do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo Observacións ou Concepto da transferencia os 16 díxitos que corresponden ao procedemento (1552 0000 80 ou 37 **** ++).

Así o pronunciamos, mandamos e asinamos por esta nosa sentenza».

Para que sirva de notificación en legal forma á entidade Aisla Sinxelo, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

A Coruña, 24 de febreiro de 2021

A letrada da Administración de xustiza