A Dirección de Galaria, Empresa Pública de Servizos Sanitarios, S.A. de conformidade co establecido no artigo 67 do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e mediante o procedemento de concurso de méritos ao que se aplicará o baremo recollido no parágrafo 2.2 da Resolución do 11 de decembro de 2018 (DOG nº 240, do 18 de decembro), da Dirección Xeral de Recursos Humanos, pola que se publica o pacto subscrito pola Administración sanitaria coas organizacións sindicais CIG, CESM-O´MEGA, CC.OO., UGT e CSIF sobre a selección de persoal estatutario temporal licenciado sanitario de atención hospitalaria, e en virtude do establecido na disposición adicional sexta da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, na Lei 8/2008, do 10 de xullo, de saúde de Galicia, e das atribucións que en materia de selección e contratación de persoal lle son conferidas polos estatutos da entidade,

RESOLVE:

Acordar a publicación do anuncio da convocatoria do proceso selectivo para a cobertura de dúas prazas da categoría de facultativo especialista da Área de Medicina Nuclear, por concurso de méritos, para vinculación temporal, mediante nomeamento de interinidade en praza vacante para os servizos de Medicina Nuclear de Vigo e Ourense.

As persoas interesadas terán á súa disposición toda a documentación relativa ao proceso en: www.sergas.es (recursos humanos/emprego público/outros procesos selectivos/galaria).

O prazo de presentación de solicitudes será de quince días hábiles contados desde o seguinte ao da data da publicación do anuncio da presente convocatoria no Diario Oficial de Galicia.

Santiago de Compostela, 23 de febreiro de 2021

Rocío Mosquera Álvarez
Directora xerente de Galaria, Empresa Pública
de Servizos Sanitarios, S.A.