Convocatoria do proceso selectivo para a contratación laboral temporal dun/ha titulado/a superior universitario, grao ou equivalente en Ciencias ou Ciencias da Saúde, baixo a modalidade contractual de interinidade para un posto de bioinformático/a na Fundación Pública Galega de Medicina Xenómica.

O contrato regularase polo disposto na lexislación vixente que resulte de aplicación e, particularmente, polo Estatuto dos traballadores, aprobado polo Real decreto lexislativo 2/2015, do 23 de outubro (BOE do 24 de outubro), e o Real decreto 2720/1998, do 18 de decembro (BOE do 8 de xaneiro).

O prazo de presentación de solicitudes é de dez (10) días naturais, que se iniciará o día seguinte ao da publicación do anuncio desta convocatoria no Diario Oficial de Galicia (DOG).

As bases do proceso de selección e os sucesivos anuncios desta convocatoria, cando procedan de conformidade coas bases, publicaranse na web do Servizo Galego de Saúde na sección de Recursos Humanos/outros procesos selectivos http://www.sergas.es/Recursos-Humanos/FP-Galega-de-Medicina-Xenómica e no taboleiro de anuncios da Fundación Pública Galega de Medicina Xenómica.

Santiago de Compostela, 17 de marzo de 2021

Fernando Domínguez Puente
Director técnico da Fundación Pública Galega de Medicina Xenómica