O Estatuto de persoal do Parlamento de Galicia establece no seu artigo 17 que as necesidades de recursos humanos con asignación orzamentaria que non poidan ser cubertas mediante persoal existente e deban proverse mediante persoal de novo ingreso serán obxecto, de ser o caso, de aprobación dunha oferta anual de emprego público.
Na reunión da Mesa de Negociación da Administración do Parlamento de Galicia do 8 de febreiro de 2021 acadouse un acordo en relación coa proposta de oferta de emprego público da Administración do Parlamento de Galicia de 2020.
Non obstante, por rematar a negociación no exercicio actual e vincularse aos créditos orzamentarios do exercicio 2021, trátase da oferta de emprego público para 2021.
En consecuencia, a Mesa da Cámara, na súa reunión do 22 de marzo de 2021, e ao abeiro do disposto no artigo 17 do Estatuto de persoal do Parlamento de Galicia, aprobou a oferta de emprego público da Administración do Parlamento de Galicia para 2021, conformada polas seguintes prazas dotadas orzamentariamente:
A) Acceso libre:
Corpo: superior de documentación do Parlamento de Galicia.
– Tipo de persoal: funcionario.
– Grupo: A.
– Número de prazas: 1.
– Sistema de selección: oposición libre.
Corpo: auxiliar do Parlamento de Galicia.
– Tipo de persoal: funcionario.
– Grupo: D.
– Número de prazas: 1.
– Sistema de selección: oposición libre.
Corpo: auxiliar do Parlamento de Galicia.
– Tipo de persoal: funcionario.
– Grupo: D.
– Número de prazas: 1 discapacidade intelectual.
– Sistema de selección: concurso-oposición.
B) Acceso por promoción interna.
Corpo: superior de publicacións do Parlamento de Galicia.
– Tipo de persoal: funcionario.
– Grupo: A.
– Numero de prazas: 2.
– Sistema de selección: concurso-oposición.
Corpo: xestión do Parlamento de Galicia.
– Tipo de persoal: funcionario.
– Grupo: B.
– Numero de prazas: 1.
– Sistema de selección: concurso-oposición.
Corpo: administrativo do Parlamento de Galicia.
– Tipo de persoal: funcionario.
– Grupo: C.
– Número de prazas: 2.
– Sistema de selección: concurso-oposición.
Santiago de Compostela, 22 de marzo de 2021
Miguel Ángel Santalices Vieira
Presidente do Parlamento de Galicia
