A Lei 9/2007, do 13 de xuño, de subvencións de Galicia dispón no seu artigo 15.1, relativo á publicidade das subvencións concedidas, que os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, o beneficiario, a contía concedida e a finalidade ou finalidades da subvención.

O artigo 25.6 da Orde da Consellería de Economía, Emprego e Industria do 27 de decembro de 2019 (DOG núm. 13, do 21 de xaneiro de 2020) pola que se estableceron as bases reguladoras e se procedeu á convocatoria pública das axudas e subvencións para a realización de programas de emprego para persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia para o ano 2020 (código de procedemento TR353B) establece que, as subvencións concedidas se publicarán, con expresión da entidade beneficiaria, a contía e a finalidade, no Diario Oficial de Galicia de acordo co disposto na Lei 9/2007, do 13 de xuño, de subvencións de Galicia e na Lei 1/2016, do 18 de xaneiro, de transparencia e bo goberno.

A convocatoria tiña como finalidade establecer as bases reguladoras e a convocatoria pública das axudas e subvencións do ano 2020 para o fomento do emprego a través dos programas mixtos de emprego e formación (programas de emprego), dirixidos a mellorar a ocupabilidade, a cualificación e a inserción profesional das persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia.

O financiamento das axudas previstas na orde de convocatoria efectuouse con cargo aos créditos da aplicación 09.41.322A.460.2 (código de proxecto 2018 00017) estando cofinanciadas nunha porcentaxe do 91,89 % pola Unión Europea a través do Fondo Social Europeo, mediante a Iniciativa de emprego xuvenil, Programa operativo de emprego xuvenil 2014-2020, eixe prioritario 5, prioridade de investimento 8.2, obxectivo específico 8.2.2, medida 8.2.2.5.

En consecuencia,

RESOLVO:

Ordenar a publicación no Diario Oficial de Galicia das subvencións concedidas para os programas de emprego dirixidos a persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia, ao abeiro da Orde do 27 de decembro de 2019 (DOG núm. 13, do 21 de xaneiro de 2020), segundo o anexo desta resolución.

Santiago de Compostela, 16 de abril de 2021

Zeltia Lado Lago
Directora xeral de Formación e Colocación

ANEXO

Expediente	Entidade beneficiaria	CIF	Concedido 2020	Concedido 2021
15/00030/20	Concello de Ribeira	P1507400H	173.199,53	173.199,52
15/00035/20	Concello de Rois	P1507500E	115.466,35	115.466,35
15/00038/20	Concello de Negreira	P1505700C	184.746,16	184.746,16
15/00042/20	Concello de Fene	P1503600G	184.746,16	184.746,16
15/00043/20	Concello de Santiago de Compostela	P1507900G	184.746,16	184.746,16
15/00044/20	Concello de Vimianzo	P1509300H	184.746,16	184.746,16
15/00046/20	Concello de Rianxo	P1507300J	184.746,16	184.746,16
27/00001/20	Concello de Ribadeo	P2705100B	184.746,16	184.746,16
27/00004/20	Concello de Folgoso do Courel	P2701700C	184.746,16	184.746,16
32/00004/20	Mancomunidade de Municipios da Comarca de Verín	P3200025I	184.746,16	184.746,16
32/00005/20	Mancomunidade Voluntaria de Concellos da Comarca de Ourense	P3200026G	184.746,16	184.746,16
36/00001/20	Mancomunidade de Municipios do Salnés	P3600041B	184.746,16	184.746,16
36/00002/20	Concello de Vilagarcía de Arousa	P3606000B	184.746,16	184.746,16
36/00004/20	Concello de Cambados	P3600600E	184.746,16	184.746,16
36/00006/20	Concello de Redondela	P3604500C	184.746,16	184.746,16
36/00008/20	Concello de Vilanova de Arousa	P3606100J	184.746,16	184.746,16
36/00009/20	Mancomunidade da Área Intermunicipal de Vigo	P8605704I	184.746,16	184.746,16
36/00012/20	Concello de Moraña	P3603200A	184.746,16	184.746,16
36/00013/20	Concello de Mos	P3603300I	184.746,16	184.746,16