A epígrafe II.1.1.4 da Orde do 22 de maio de 2018, que convoca o proceso selectivo, recolle que superarán o cuarto exercicio as persoas que obteñan a cualificación de apto e que corresponde ao tribunal determinar o número de respostas correctas exixido para acadar ese resultado. O 17 de marzo de 2021, o tribunal acordou que superarán o cuarto exercicio as persoas aspirantes que obteñan un mínimo de quince (15) respostas correctas logo dos descontos das incorrectas.
O 14 de abril de 2021 tivo lugar a cuarta proba. Ninguén presentou alegacións durante o prazo previsto na epígrafe II.1.2.7 da convocatoria.
Ese mesmo día, este tribunal corrixiu o cuestionario da cuarta proba da única persoa aspirante convocada, que obtivo a cualificación de apto. En relación coa corrección, o tribunal
ACORDOU:
Publicar o resultado da corrección do cuarto exercicio no taboleiro de anuncios do Servizo de Información e Atención ao Cidadán da Vicepresidencia Primeira e Consellería de Presidencia, Xustiza e Turismo e na páxina web da Xunta de Galicia (funciónpublica.xunta.gal).
De acordo coa base II.1.2.8 da convocatoria, a persoa aspirante poderá presentar alegacións á puntuación no prazo máximo de dez (10) días hábiles contados desde o día seguinte ao da publicación desta resolución no Diario Oficial de Galicia.
Así mesmo, ao abeiro da base III.13, contra este acordo poderase interpor recurso de alzada ante o conselleiro de Facenda e Administración Pública consonte os artigos 121 e 122 da Lei 39/2015, do procedemento administrativo común das administracións públicas.
Santiago de Compostela, 21 de abril de 2021
Marcos Barreiro González
Presidente do tribunal