Eu, Marta Yanguas del Valle, letrada da Administración de xustiza do Xulgado do Social número 2 de Reforzo da Coruña, fago saber que no procedemento ordinario 3/2020 deste xulgado do social, seguido por instancia de Sandra Silva Couto contra Expertus Servicios de Atención al Público, S.A.; Expertus CPM, S.A.; Expertus Tro, S.L.; Expertus Logística Auxiliar, S.A.U. e Spirit of Expertus, S.L., con intervención do Fogasa, sobre ordinario, se ditou a Sentenza núm. 239/2021, do 21 de abril, contra a cal cabe interpor recurso de suplicación ante o Tribunal Superior de Xustiza que deberá ser anunciado por comparecencia ou mediante escrito presentado neste xulgado dentro dos cinco días seguintes ao da publicación deste edicto. O texto íntegro da resolución está á disposición dos interesados no propio xulgado.

E para que sirva de notificación na forma legal a Expertus Logística Auxiliar, S.A.U. e Spirit of Expertus, S.L., en paradoiro ignorado, expido o presente edicto para a súa inserción no Diario Oficial de Galicia.

Advírtese ás destinatarias de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 23 de abril de 2021

A letrada da Administración de xustiza