Mediante as resolucións do 4 de febreiro de 2020 (DOG núm. 35, do 20 de febreiro), a Universidade de Vigo convocou procesos selectivos para o ingreso nas seguintes categorías de persoal laboral fixo de administración e servizos, encadradas todas elas no grupo I:
– Técnico/a superior de actividades deportivas.
– Técnico/a superior de actividades do medio mariño.
– Técnico/a superior de calidade ambiental e histoloxía.
A base 6.3 das devanditas convocatorias establece: «A resolución final deste proceso selectivo ditarase antes de que transcorra un ano desde a publicación desta convocatoria no DOG».
A suspensión dos prazos administrativos como consecuencia da declaración do estado de alarma en marzo de 2020 e a posterior ralentización das actuacións relativas á realización das probas e ás actuacións dos tribunais como consecuencia da progresiva recuperación da actividade administrativa ordinaria fan preciso ampliar o prazo máximo previsto para finalizar estes procesos selectivos, de conformidade co establecido no artigo 32.1 da Lei 39/2015, do 1 de outubro, do procedemento administrativo común das administracións públicas.
En consecuencia, esta reitoría en uso das atribucións que ten conferidas pola Lei orgánica 6/2001, do 21 de decembro, de universidades, e polos estatutos da Universidade de Vigo,
RESOLVE:
Primeiro. Ampliar en seis meses o prazo de resolución do procedemento, de acordo co establecido na base 6.3 das resolucións do 4 de febreiro de 2020 polas que se convocaron os procesos selectivos das categorías anteriormente indicadas.
Segundo. Contra esta resolución non cabe recurso, de conformidade co artigo 32.3 da Lei 39/2015, do 1 de outubro, do procedemento administrativo común das administracións públicas.
Vigo, 14 de maio de 2021
Manuel Joaquín Reigosa Roger
Reitor da Universidade de Vigo