Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 97 Mércores, 26 de maio de 2021 Páx. 26102

IV. Oposicións e concursos

Servizo Galego de Saúde

ANUNCIO do 28 de abril de 2021, da Xerencia da Área Sanitaria de Santiago de Compostela e Barbanza, polo que se procede a dar publicidade á resolución da mesma data pola que se convoca, para a vinculación temporal por concurso de méritos, a cobertura de diversas prazas da categoría de facultativo especialista de área para os servizos sanitarios de atención especializada da devandita área sanitaria.

A Xerencia da Área Sanitaria de Santiago de Compostela e Barbanza, de conformidade co establecido no artigo 67 do Decreto 206/2005 (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Resolución do 11 de decembro de 2018 (DOG núm. 240, do 18 de decembro), da Dirección de Recursos Humanos, pola que se publica o pacto subscrito pola Administración sanitaria coas organizacións sindicais CIG, CESM-O’mega, CC.OO., UXT e CSIF sobre a selección de persoal estatutario temporal licenciado sanitario de atención hospitalaria, e en virtude das competencias atribuídas polo Decreto 137/2019, do 10 de outubro (DOG nº 208, do 31 de outubro), polo que se establece a estrutura orgánica do Servizo Galego de Saúde; na Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde, e no Decreto 134/2019, do 10 de outubro (DOG nº 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, a xerente da Área Sanitaria de Santiago de Compostela e Barbanza,

RESOLVE:

Primeiro. Proceder ao anuncio da convocatoria para cubrir, mediante vinculación temporal, as prazas de facultativo especialista de área que se relacionan no anexo.

Segundo. As solicitudes para participar na presente convocatoria xunto coa documentación a que se refiren as súas bases presentaranse, dirixidas a Área Sanitaria de Santiago de Compostela, no Rexistro Xeral da devandita área sanitaria, sito na travesía da Choupana s/n, 15706 Santiago de Compostela, ou a través de calquera dos rexistros previstos no artigo 16 da Lei 39/2015, do 1 de outubro, do procedemento administrativo común das administracións públicas, no prazo de dez (10) días hábiles, contados a partir do seguinte ao da publicación do presente anuncio da convocatoria no Diario Oficial de Galicia.

Terceiro. As bases íntegras da convocatoria estarán expostas nos taboleiros de anuncios dos centros hospitalarios dependentes da Área Sanitaria de Santiago de Compostela e Barbanza, no Punto de Atención ao Traballador (PAT) da Dirección de Recursos Humanos e na intranet da Área Sanitaria de Santiago de Compostela e Barbanza, así como na páxina web do Servizo Galego de Saúde (www.sergas.es).

Santiago de Compostela, 28 de abril de 2021

Eloína Núñez Masid
Xerente da Área Sanitaria de Santiago de Compostela e Barbanza

ANEXO

Especialidade: psiquiatría.

Nº de prazas: catro.

Tipo de nomeamento: interinidade en praza vacante.

Titulación: título oficial da especialidade de psiquiatría.

Centro: Complexo Hospitalario Universitario de Santiago de Compostela (*).

(*) Dúas das prazas convocadas terán a súa localización física no Centro de Saúde de Ordes, en quenda de mañá e tarde.