Con data do 31 de marzo de 2021, publícase no Diario Oficial de Galicia número 61 a Orde do 16 de marzo de 2021 pola que se regulan as bases que rexerán as subvencións para entidades de acción voluntaria de carácter privado para o fomento e a realización de actividades de voluntariado e se procede á súa convocatoria para o ano 2021 (código de procedemento BS508B).
O artigo 6 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.
Así mesmo, no artigo 7 da orde determínase a documentación complementaria necesaria para a tramitación do procedemento.
Unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.
O artigo 8 da dita orde establece, de conformidade co previsto no artigo 68 da Lei 39/2015, do 1 de outubro, do procedemento administrativo común das administracións públicas, que se na solicitude se aprecian defectos ou falta de documentación, o órgano instrutor requirirá á entidade solicitante para que, nun prazo de dez (10) días, emende a falta ou achegue os documentos preceptivos, con indicación de que, se así non o fixer, se considerará que desiste da súa petición, logo de resolución, que deberá ser ditada nos termos previstos no artigo 21 da referida lei.
Así mesmo, o artigo 14 da orde de convocatoria establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento e que esta publicación producirá os efectos de notificación.
Por todo o exposto,
RESOLVO:
1. Ordenar a publicación no Diario Oficial de Galicia da relación de solicitudes que non están debidamente cubertas e/ou non achegan a documentación preceptiva exixida segundo o establecido nas bases reguladoras e no acto de requirimento ditado polo órgano instrutor. Esta relación figura como anexo desta resolución.
2. Facer indicación expresa a todas as entidades solicitantes recollidas no anexo de que son requiridas para que, no prazo de dez (10) días, contado a partir do día seguinte ao da publicación desta resolución no Diario Oficial de Galicia (DOG), emenden a falta ou acheguen os documentos preceptivos conforme se establece na orde de convocatoria. De non o facer, daranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.
3. En caso de dúbida, dificultades técnicas ou necesidade de máis información durante o proceso de emenda da documentación das solicitudes, poderán dirixirse á Consellería de Política Social a través dos teléfonos 981 95 79 20 ou 881 99 65 30.
Santiago de Compostela, 20 de maio de 2021
Cristina Pichel Toimil
Directora xeral de Xuventude, Participación e Voluntariado
ANEXO
Entidades de acción voluntaria de carácter privado para o fomento e a realización de actividades
de voluntariado. Requirimento de emenda das solicitudes na Orde do 16 de marzo de 2021
(código de procedemento BS508B)
Nº exp. |
Solicitante |
NIF da entidade |
Documentación requirida |
BS508B 2021/040 |
Sociedade Recreativa San Xoán de Calo |
G15069883 |
– Anexo I: indicar o orzamento solicitado |
BS508B 2021/051 |
Asociación pola Igualdade e a Coeducación, Apico |
G94088549 |
– Anexo I ou proxecto de actividades: o número de persoas beneficiarias non coincide |
BS508B 2021/060 |
Comunidade de Montes de Teis |
V36841047 |
– Anexo I: indicar importe solicitado |
BS508B 2021/076 |
Fundación Baiuca Verdescente |
G70542113 |
– Proxecto de actividades (art. 7.1): adaptar a data de fin de proxecto e o cronograma de actividades (art. 5.1) |
BS508B 2021/080 |
Asociación Montes e Vales Orientais |
G27389139 |
– Anexo I: adaptar o importe solicitado (art. 5.3) |
BS508B 2021/093 |
Asociación O Son do Pobo |
G94017704 |
– Anexo I: adaptar os sectores de poboación ao indicado no proxecto de actividades e indicar se se autoriza a consulta de documentos ou achegar os documentos para os que non se autorice a consulta |
BS508B 2021/101 |
Fundación Meniños |
G15551120 |
– Anexo I: adaptar a data fin de proxecto (art. 5.1) |
BS508B 2021/110 |
Asociación Cultural Cantaclaro |
G32472037 |
– Anexo I: indicar o orzamento solicitado e adaptar os sectores da poboación ao indicado no proxecto de actividades |
BS508B 2021/120 |
Asociación Española contra el Cáncer (AECC)/Junta Provincial de Orense |
G28197564 |
– Proxecto de actividades: adaptar a data fin de proxecto (art. 5.1), identificar problemas e cuantificar o número de persoas voluntarias |
BS508B 2021/125 |
Fundación Educativa e Social Dignidade |
G27473677 |
– Anexo I: adaptar o orzamento solicitado (art. 5.3) e adaptar a data de fin de proxecto (art. 5.1) |
BS508B 2021/126 |
Asociación Proxecto Máscaras |
G70401518 |
– Proxecto de actividades (art. 7.1) |
BS508B 2021/127 |
Club Hockey Compostela |
G70160114 |
– Proxecto de actividades (art. 7.1) |
BS508B 2021/130 |
Federación de Escuelas Familiares Agrarias de Galicia |
G15299357 |
– Acreditación fidedigna da persoa representante legal da entidade |
BS508B 2021/131 |
Asociación Tempus, de Acción Social, Educación Permanente y de Servicios a la Juventud y a la Mujer |
G15681000 |
– Proxecto de actividades (art. 7.1) |
BS508B 2021/137 |
Escola Deportiva Santiago |
G70301379 |
– Anexo I: correctamente asinado |