Visto o expediente para o outorgamento de autorización administrativa previa e autorización administrativa de construción da instalación eléctrica que a continuación se describe:
Solicitante: Central Eléctrica Sestelo y Cía., S.A.
Domicilio social: Virxe da Luz 3 baixo, 36860 Ponteareas.
Denominación: LMTS de CT Lugo e Pena ao CT do colexio nº 2.
Situación: Ponteareas.
Características técnicas: LMT subterránea a 20 kV, con condutor RHZ1, de 218 metros de lonxitude, con orixe no centro de transformación existente en Lugo e Pena, e final no centro de transformación existente no colexio nº 2. A instalación esta situada na rúa Fermín Bouza Brey, Ponteareas.
Cumpridos os trámites ordenados na Lei 24/2013, do 26 de decembro, do sector eléctrico, e no capítulo II do título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministro e procedementos de autorización de instalacións de enerxía eléctrica, e na Lei 5/2017, do 19 de outubro, de fomento da implantación de iniciativas empresariais en Galicia, DOG nº 203, do 25 de outubro, esta xefatura territorial resolve:
Conceder a autorización administrativa previa e a autorización administrativa de construción para a devandita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguridade establecidas nos regulamentos de aplicación, e ás establecidas polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.
Contra a presente resolución, que non é definitiva en vía administrativa, cabe interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.
Pontevedra, 8 de abril de 2021
O xefe territorial de Pontevedra
P.A. (Decreto 230/2020, do 23 de decembro;
DOG nº 5, do 11 de xaneiro de 2021, art. 36.3 e 37.1)
Eugenio Fernández Piñeiro
Xefe do Servizo de Administración Industrial de Pontevedra