Ao non seren atopados no enderezo coñecido por esta xefatura territorial os titulares da empresa que se indica a seguir, notifícase no Boletín Oficial del Estado, ao abeiro do artigo 44 da Lei 39/2015, do 1 de outubro, do procedemento administrativo común das administracións públicas, o fin da suspensión cautelar e a reiniciación da tramitación do expediente sancionador de referencia ao ter entrada, no Rexistro único do Edificio Administrativo da Xunta de Galicia en Vigo, a copia das sentenzas do Xulgado do Penal número 3 de Pontevedra e da Audiencia Provincial, Sección Cuarta, de Pontevedra, ditadas no procedemento núm. 241/2019, polo accidente laboral do traballador Rubén Natividad Fernández.
Dispón dun prazo de dez días hábiles, contados dende o seguinte ao da publicación desta cédula no Boletín Oficial del Estado, para examinar o expediente nas dependencias desta xefatura territorial, Servizo de Emprego e Economía Social, Sección de Sancións, sitas na rúa Concepción Arenal, 8, 2º andar, en Vigo (Pontevedra), das 9.00 ás 14.00 horas, de luns a venres, con cita previa no teléfono 986 81 70 11. Transcorrido este prazo, ditarase resolución.
Os documentos que constan no expediente son:
• Acta de infracción.
• Xustificante da notificación (7.2.2013).
• Copia das sentenzas xudiciais.
Expediente: RL 2013/00036-4.
Acta: I362013000006546.
Empresa: MC SPA Sociedad de Prevención, S.L.
Enderezo: r/ Provença, 319-321, 1º, Barcelona.
Vigo, 21 de maio de 2021
Marta Mariño Regueiro
Xefa territorial de Pontevedra