No artigo 74 da Lei 5/1998, do 18 de decembro, de cooperativas de Galicia, modificada pola Lei 14/2011, do 16 de decembro, e no Decreto 430/2001, do 18 de decembro, polo que se aproba o Regulamento do Rexistro de Cooperativas de Galicia, no artigo 53, establécese a obrigatoriedade de publicar, no Diario Oficial de Galicia, a modificación dos artigos 1 e 4 dos estatutos sociais (cambio clase de cooperativa e modificación do obxecto social), da entidade Dálle que Dálle, S. Coop. Galega, acordada na asemblea xeral do 8 de xaneiro de 2021, por unanimidade. A nova clase de cooperativa é de traballo asociado sen ánimo de lucro.
O novo obxecto social é deseñar e desenvolver proxectos e programas sociais, educativos e informativos para promover e mellorar a empregabilidade das persoas.
RESOLVO:
Dispoñer a publicación no Diario Oficial de Galicia da modificación dos artigos 1 e 4 dos estatutos (cambio clase de cooperativa e modificación do obxecto social), da entidade Dálle que Dálle, S. Coop. Galega.
Vigo, 18 de maio de 2021
Marta Mariño Regueiro
Xefa territorial de Pontevedra