O director da Axencia de Protección da Legalidade Urbanística acordou, o 8 de febreiro de 2021, incoar expediente de reposición da legalidade urbanística pola construción de 5 edificacións e polas actividades realizadas en solo rústico consistentes en un taller de repación e estacionamento de camións, así como de oficina, no lugar de Pazos, no termo municipal de Verín, provincia de Ourense.
Ao non poderse realizar a notificación persoal daquel acordo a Manuel Álvarez Rodríguez, María Asunción Álvarez Rodríguez e a María Teresa Álvarez Alonso, mediante o presente anuncio, e ao amparo do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícase aos interesados o devandito acordo mediante un anuncio publicado no Boletín Oficial del Estado.
Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, comunícase aos interesados que o texto íntegro do acordo que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, 1º andar-Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o devandito prazo, a notificación entenderase producida.
Os interesados dispoñen dun prazo de 15 días, contados a partir do día seguinte a aquel en que se producise a notificación deste anuncio, para presentaren os documentos e xustificacións que consideren pertinentes e, se é o caso, propor proba concretando os medios de que pretendan valerse.
Para que conste e sirva de notificación aos citados interesados, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.
Santiago de Compostela, 27 de maio de 2021
Jacobo Hortas García
Director da Axencia de Protección da Legalidade Urbanística
