O 13 de xaneiro de 2012 publicouse no Diario Oficial de Galicia o Decreto 32/2012, do 12 de xaneiro, polo que se aproba o Estatuto da entidade pública empresarial Augas de Galicia, que no seu artigo 5 configura o Consello Reitor como un dos seus órganos de goberno e no seu artigo 7 indica que é o órgano colexiado de goberno de Augas de Galicia.
A composición do Consello Reitor fíxase no artigo 7 do Estatuto da entidade pública empresarial Augas de Galicia, que indica que está integrado pola Presidencia, que lle corresponde a quen desempeñe a de Augas de Galicia, pola Vicepresidencia, que corresponde a quen desempeñe a dirección da entidade, e que, ademais, formarán parte del os seguintes vogais:
a) Once representantes da Administración xeral da Comunidade Autónoma de Galicia, propostos polas consellerías seguintes:
Cinco serán propostos pola consellería competente en materia de augas.
Un será proposto polas consellerías competentes en materia de administracións públicas, facenda, industria, sanidade, desenvolvemento rural e pesca.
b) Tres vogais representantes das entidades locais propostos pola Federación Galega de Municipios e Provincias, dos cales un deberá ser, chegado o caso da súa creación, proposto polas áreas metropolitanas que se creen.
c) Oito vogais representantes dos usuarios: dous polos usos domésticos da auga; a proposta dun deles corresponderá ás entidades subministradoras e doutro ás comunidades de usuarios e autoabastecemento, dous polos usuarios agrícolas e gandeiros, dous polos usos industriais e dous en representación dos aproveitamentos hidroeléctricos.
d) Un vogal en representación das asociacións non gobernamentais de carácter ambiental máis representativas de Galicia.
e) Un/unha representante da Administración xeral do Estado.
O artigo 7.5 do Estatuto da entidade pública empresarial Augas de Galicia prevé que o mandato dos representantes dos usuarios dure catro anos e que os vogais cesarán automaticamente cando cesen no cargo polo que foron nomeados ou cando perdan a representación do órgano propoñente.
Así, o 30 de xaneiro de 2012 publicouse no Diario Oficial de Galicia a Orde do 24 de xaneiro de 2012 pola que se nomean os membros do Consello Reitor da entidade pública empresarial Augas de Galicia.
O 20 de febreiro de 2017 publicouse no Diario Oficial de Galicia a Orde do 24 de xaneiro de 2017 pola que se nomean os membros do Consello Reitor da entidade pública empresarial Augas de Galicia.
O 16 de outubro de 2019 publicouse no Diario Oficial de Galicia a Orde do 7 de outubro de 2019 pola que se nomean membros do Consello Reitor da entidade pública empresarial Augas de Galicia, en que se dispoñía a substitución dos vogais titulares e suplentes que cesaron automaticamente.
Procede neste momento efectuar novos nomeamentos do dito Consello Reitor.
Por todo isto, en virtude do establecido no artigo 7.5 do citado estatuto e das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Primeiro. Deixar sen efecto os nomeamentos de vogais titulares e suplentes do Consello Reitor de Augas de Galicia efectuados pola Orde do 24 de xaneiro de 2017 (DOG núm. 35, do 20 de febreiro) e pola Orde do 7 de outubro de 2019 (DOG núm. 197, do 16 de outubro).
Segundo. Nomear vogais titulares e suplentes do Consello Reitor da entidade pública empresarial Augas de Galicia as persoas titulares dos postos que se indican:
a) Once vogais en representación da Administración xeral da Comunidade Autónoma de Galicia, propostos por cada unha das consellerías competentes nas seguintes materias:
a.1) Cinco pola consellería competente en materia de augas:
– Titular: a persoa titular da Xerencia de Augas de Galicia.
– Suplente: a persoa titular do Servizo de Planificación e Programación Hidrolóxica.
– Titular, a persoa titular da Subdirección Xeral de Xestión do Dominio Público Hidráulico.
– Suplente, a persoa titular do Servizo de Tramitación Técnico-Administrativa do Dominio Público Hidráulico.
– Titular, a persoa titular da Subdirección Xeral de Réxime Económico e Financeiro de Augas de Galicia.
– Suplente, a persoa titular do Servizo de Xestión Orzamentaria de Augas de Galicia.
– Titular: a persoa titular da Dirección Xeral de Calidade Ambiental e Cambio Climático da Consellería de Medio Ambiente, Territorio e Vivenda.
– Suplente: a persoa titular da Dirección Xeral de Patrimonio Natural da Consellería de Medio Ambiente, Territorio e Vivenda.
– Titular: a persoa titular da Dirección Xeral de Ordenación do Territorio e Urbanismo da Consellería de Medio Ambiente, Territorio e Vivenda.
– Suplente: a persoa titular da Dirección Xeral do Instituto Galego de Vivenda e Solo da Consellería de Medio Ambiente, Territorio e Vivenda.
a.2) Un pola consellería competente en materia de administracións públicas:
– Titular: a persoa titular da Dirección Xeral de Emerxencias e Interior da Vicepresidencia Primeira e Consellería de Presidencia, Xustiza e Turismo.
– Suplente: a persoa titular da Subdirección Xeral de Planificación e Protección Civil da Vicepresidencia Primeira e Consellería de Presidencia, Xustiza e Turismo.
a.3) Un pola consellería competente en materia de facenda:
– Titular: a persoa titular da Subdirección Xeral de Orzamentos da Consellería de Facenda e Administración Pública.
– Suplente: a persoa titular da Xefatura do Servizo de Seguimento de Políticas de Gasto da Consellería de Facenda e Administración Pública.
a.4) Un pola consellería competente en materia de industria:
– Titular: a persoa titular da Secretaría Xeral Técnica da Vicepresidencia Segunda e Consellería de Economía, Empresa e Innovación.
– Suplente: a persoa titular da Vicesecretaría Xeral da Vicepresidencia Segunda e Consellería de Economía, Empresa e Innovación.
a.5) Un pola consellería competente en materia de sanidade:
– Titular: a persoa titular da Dirección Xeral de Saúde Pública da Consellería de Sanidade.
– Suplente: a persoa titular da Subdirección Xeral de Programas de Control de Riscos Ambientais para a Saúde da Consellería de Sanidade.
a.6) Un pola consellería competente en materia de desenvolvemento rural:
– Titular: a persoa titular da Dirección Xeral de Desenvolvemento Rural da Consellería de Medio Rural.
– Suplente: a persoa titular da Subdirección Xeral de Infraestruturas Agrarias da Consellería de Medio Rural.
a.7) Un pola consellería competente en materia de pesca:
– Titular: a persoa titular da Dirección do Instituto Tecnolóxico para o Control do Medio Mariño da Consellería do Mar.
– Suplente: a persoa titular da Subdirección do Instituto Tecnolóxico para o Control do Medio Mariño da Consellería do Mar.
b) Tres vogais en representación das entidades locais:
– Titular: a persoa titular da Alcaldía de Cervo.
– Suplente: a persoa titular da Alcaldía de Padrón.
– Titular: a persoa titular da Alcaldía de Vilagarcía de Arousa.
– Suplente: a persoa titular da Secretaría Xeral da Federación Galega de Municipios e Provincias.
– Titular: a persoa titular da Alcaldía de San Sadurniño.
– Suplente: a persoa titular da Alcaldía de Carballo.
c) Oito vogais representantes dos usuarios:
c.1) Dous en representación dos usos domésticos da auga:
– Titular: a persoa titular da Concellería Delegada da Área de Urbanismo e Infraestruturas, Mobilidade, Vivenda e Rehabilitación, Contratación, Centro de Recursos Informáticos e Organización Interna do Concello de Ferrol.
– Suplente: a persoa titular da Concellería Delegada da Área de Servizos, Obras, Medio Ambiente, Zona Rural e Participación Cidadá do Concello de Ferrol.
– Titular: a persoa titular da Presidencia da Asociación das Traídas de Augas-Coxapo Galicia.
– Suplente: un/unha técnico/a da Asociación das Traídas de Augas-Coxapo Galicia.
c.2) Dous en representación dos usuarios agrícolas e gandeiros:
– Titular: a persoa responsable do Programa de Desenvolvemento Rural da Asociación Profesional Unións Agrarias UPA (UUAA-UPA)
– Suplente: a persoa responsable do sector lácteo da Asociación Profesional Unións Agrarias UPA (UUAA-UPA)
– Titular: a persoa titular da coordinación do Gabinete Xurídico do Sindicato Labrego Galego-Comisións Labregas.
– Suplente: un membro da Dirección Nacional do Sindicato Labrego Galego-Comisións Labregas.
c.3) Dous en representación dos usos industriais:
– Titular: a persoa titular dunha das vicepresidencias da Confederación de Empresarios de Galicia.
– Suplente: a persoa titular dunha das vicepresidencias da Confederación de Empresarios de Galicia.
– Titular: a persoa titular da presidencia de Ecoener, empresa asociada á Confederación de Empresarios de Galicia.
– Suplente: un vogal do Comité Executivo da Confederación de Empresarios de Galicia.
c.4) Dous en representación dos aproveitamentos hidroeléctricos:
– Titular: a persoa titular da Dirección de Hidráulicas de Naturgy Generación, S.L.U.
– Suplente: a persoa titular da Unidade de Produción Hidráulica Noroeste de Endesa Generación, S.A.
– Titular: a persoa titular da Dirección de Enerxía e Promoción de Energía de Galicia, S.A.
– Suplente: o/a socio/a xestor/a de Eléctrica de Cedeira, S.L.
d) Un en representación das asociacións non gobernamentais de carácter ambiental máis representativas de Galicia:
– Titular: a persoa titular da vogalía de Auga e Ríos da Asociación para a Defensa Ecolóxica de Galiza.
– Suplente: a persoa titular da Presidencia da Sociedade Galega de Historia Natural.
e) Un en representación da Administración xeral do Estado:
– Titular: a persoa titular da Presidencia da Confederación Hidrográfica do Miño-Sil.
– Suplente: a persoa titular da Xefatura de Planificación Hidrolóxica da Confederación Hidrográfica do Miño-Sil.
Terceiro. Esta orde producirá efectos desde o día da súa publicación no Diario Oficial de Galicia.
Santiago de Compostela, 3 de xuño de 2021
Ethel María Vázquez Mourelle
Conselleira de Infraestruturas e Mobilidade