Mediante o Decreto desta alcaldía, do 14 de xuño de 2021, aprobáronse a convocatoria e as bases que rexerán o proceso de selección para unha praza de funcionario de carreira de técnico deportivo no Concello de Valdoviño, polo sistema de concurso-oposición.
No Boletín Oficial da provincia da Coruña nº 113, do 17 de xuño de 2021, publicáronse integramente as bases que rexerán o proceso.
O prazo de presentación de solicitudes será de vinte (20) días naturais, contados desde o seguinte ao da publicación do anuncio no Boletín Oficial del Estado.
O anuncio da listaxe provisional de admitidos e excluídos e a listaxe definitiva publicaranse no Boletín Oficial da provincia da Coruña, no taboleiro de anuncios e na páxina web do concello. Os sucesivos anuncios referentes a esta convocatoria, cando proceda de conformidade coas bases, faranse públicos no taboleiro de anuncios e na páxina web do concello.
Valdoviño, 17 de xuño de 2021
Alberto González Fernández
Alcalde