Sendo preciso o cumprimento da obriga de xestión da biomasa vexetal e da retirada de árbores das especies incluídas na disposición adicional terceira da Lei 3/2007, do 9 de abril, de prevención e defensa contra os incendios forestais de Galicia, e conforme o establecido nos artigos 22.3 da Lei 3/2007 e nos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, cando os interesados nun procedemento sexan descoñecidos ou non sexa posible a notificación aos interesados, as notificacións efectuaranse por medio dun anuncio publicado no Diario Oficial de Galicia (DOG) e no Boletín Oficial del Estado (BOE) cos datos catastrais do terreo, co que a eficacia do acto notificado queda supeditada á publicación no BOE.

Por medio deste anuncio comunícase e lémbrase ás persoas responsables a súa obriga de xestión da biomasa e/ou retirada das especies arbóreas prohibidas, concedéndolles un prazo máximo de quince (15) días naturais desde a publicación no BOE do anuncio preceptivo.

Tomiño, 7 de xuño de 2021

A alcaldesa
P.D. (Decreto do 13.9.2019)
Ana Belén Casaleiro González
Concelleira de Medio Ambiente