Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, de conformidade co disposto no artigo 45.1 da Lei 39/2015, do 1 de outubro, do procedemento administrativo común das administracións públicas, faise público que o Xurado Provincial de Clasificación de Montes Veciñais en Man Común de Lugo, na sesión que tivo lugar o 2.6.2021 baixo a presidencia de María Olga Iglesias Fontal, e coa asistencia dos vogais Miguel Ángel Cela González, Josefina Pereira de la Riera e Antonio José López-Acuña Herrero, e da secretaria Lucía Belver Quiroga, ditou a resolución de clasificar como veciñal en man común o seguinte monte:
– Nome: Boitirado.
– Pertenza: veciños do lugar de Augasoxa.
– Parroquia: Muxueira.
– Concello: Riotorto.
– Superficie: 16,6 hectáreas.
Na seguinte táboa indícanse as referencias catastrais das parcelas clasificadas así como das estremeiras. O plano que figura no anexo I, ao final deste anuncio, facilita a súa localización.
Parcelas clasificadas |
Parcelas colindantes |
|
27054B00103011 (parcialmente) 27054B00103076 (parcialmente) 27054B00103075 (parcialmente) |
Norte |
27027A02601285 (Trabada) |
Leste |
27054B00103076 (Trabada) 27054B00103075 (Trabada) 27054B00103011 (Trabada) |
|
Sur |
27048A11200021 27054B00103011 (A Pontenova) |
|
Oeste |
27054B00100036 27054B00100035 27054B00100034 27054B00100031 27054B00100032 27054B00100029 27054B00109004 |
Contra esta resolución, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa. O anterior, en relación co precepto legal recollido no artigo 12 da Lei de montes veciñais en man común e no artigo 28 do seu regulamento.
Lugo, 7 de xuño de 2021
María Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo