Mediante Resolución da Alcaldía do 21 de xuño de 2021 aprobouse a oferta de emprego público para a estabilización de emprego temporal do ano 2021, correspondente á/ás praza/s que a continuación se apuntan, modalidade acceso libre, sistema selectivo concurso-oposición:
Código |
Denominación |
Tipo réxime xurídico |
Corpo, escala ou categoría |
Grupo |
Número de dotacións |
PT010 |
Auxiliar administrativo |
Funcionarial |
Escala Administración xeral Subescala auxiliar |
C2 |
1 |
PT014PT015 PT016PT017 |
Auxiliar de axuda no fogar |
Laboral |
Escala Administración especial Subescala servizos especiais Clase persoal oficios |
C2/AP |
4 |
PT005 |
Educador/a familiar |
Funcionarial |
Escala Administración especial Subescala técnica Clase técnicos medios |
A2 |
1 |
En cumprimento do artigo 91 da Lei 7/1985, do 2 de abril, reguladora das bases de réxime local, e o artigo 70.2 do texto refundido da Lei do Estatuto básico do empregado público aprobado polo Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello de Alfoz do ano 2021, no Diario Oficial de Galicia e no Boletín Oficial da provincia.
Contra a presente resolución, que pon fin á vía administrativa, poderase interpor alternativamente ou recurso de reposición potestativo ante a Alcaldía, no prazo dun mes contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Lugo no prazo de dous meses, contados desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se opta por interpor recurso de reposición potestativo non se poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio.
Todo iso sen prexuízo de que se poida interpor calquera outro recurso que puidese considerar máis conveniente ao seu dereito.
Alfoz, 21 de xuño de 2021
Jorge Val Díaz
Alcalde presidente