De conformidade co disposto no artigo 6 da Lei 3/1986, do 18 de decembro, de consellos escolares de Galicia; no artigo 10 do Decreto 44/1988, do 11 de febreiro, polo que se desenvolve a dita lei; no artigo 16.1.c) do Decreto 87/1992, do 26 de marzo, polo que se aproba o Regulamento de réxime interno do Consello Escolar de Galicia, e atendendo á designación formalizada pola Confederación ANPAS Galegas, por proposta do conselleiro de Cultura, Educación e Universidade, logo da deliberación do Consello da Xunta de Galicia, na súa reunión do oito de xullo de dous mil vinte e un,
DISPOÑO:
Artigo 1. Cesamento
Que cese Javier Sánchez García como membro do Consello Escolar de Galicia, en representación de pais e nais de alumnos/as, por proposta das confederacións de asociacións de pais e nais de alumnos/as en proporción á súa representatividade (ensino público), proposto pola Confederación ANPAS Galegas.
Artigo 2. Nomeamento
Nomear membro do Consello Escolar de Galicia, nas condicións determinadas na Lei 3/1986, do 18 de decembro, de consellos escolares de Galicia, en representación de pais e nais de alumnos/as, por proposta das confederacións de asociacións de pais e nais de alumnos/as en proporción á súa representatividade (ensino público), proposto pola Confederación ANPAS Galegas, a Iria Salvande Lorenzo.
Artigo 3. Duración do mandato
O mandato do novo membro será polo tempo que resta para completar o mandato da representatividade que exerce.
Disposición derradeira única. Entrada en vigor
O presente decreto entrará en vigor o día seguinte ao da súa publicación no Diario Oficial de Galicia.
Santiago de Compostela, oito de xullo de dous mil vinte e un
Alberto Núñez Feijóo
Presidente
Román Rodríguez González
Conselleiro de Cultura, Educación e Universidade