No Boletín Oficial da provincia de Pontevedra (BOP) número 148, do 4 de agosto, publicáronse a convocatoria e as bases xerais e específicas que rexen a convocatoria para o acceso a diversas prazas vacantes de persoal funcionario no Concello de Cambados incluídas nas ofertas de emprego público dos anos 2017 e 2020, que a seguir se sinalan:
Promoción interna
– Grupo segundo o artigo 76 do texto refundido da Lei do Estatuto básico do empregado público: C. Subgrupo C1. Clasificación: escala de Administración xeral, subescala administrativa. Número de vacantes: 2. Denominación: administrativo/a.
Promoción interna-funcionarización.
– Grupo segundo o artigo 76 do texto refundido da Lei do Estatuto básico do empregado público: C. Subgrupo C1. Clasificación: escala de Administración xeral, subescala administrativa. Número de vacantes: 2. Denominación: administrativo/a.
– Grupo segundo o artigo 76 do texto refundido da Lei do Estatuto básico do empregado público: C. Subgrupo C1. Clasificación: escala de Administración xeral, subescala administrativa. Número de vacantes: 1. Denominación: administrativo/a intervención.
O prazo de presentación de instancias será de vinte días hábiles, contados a partir do día seguinte ao da publicación do presente anuncio no Boletín Oficial del Estado, e os sucesivos anuncios publicaranse no Boletín Oficial da provincia de Pontevedra e no taboleiro de edictos da corporación nos termos establecidos nas bases.
Cambados, 5 de agosto de 2021
Fátima Abal Roma
Alcaldesa