De acordo co disposto no artigo 7 da Resolución do 23 de outubro de 2008 pola que se dispón a publicación do Regulamento interno de organización e funcionamento do Consello Galego de Relacións Laborais (DOG do 13 de novembro), as organizacións sindicais e empresariais designarán os seus membros representativos, que serán nomeados pola persoa titular da consellería competente en materia de traballo.
Facendo uso da posibilidade de substitución que recolle o artigo 7 da dita resolución, UGT-Galicia acordou o nomeamento dun membro titular e dous membros suplentes do Pleno do Consello Galego de Relacións Laborais.
Por todo o exposto, ao abeiro do artigo 7 da referida Resolución do 23 de outubro de 2008, e en uso das atribucións que teño conferidas,
DISPOÑO:
Artigo 1
Nomear como membro titular do Pleno do Consello Galego de Relacións Laborais, en representación de UGT-Galicia, a Mar Martín González en substitución de Beatriz Meilán del Río.
Artigo 2
Nomear como membros suplentes do Pleno do Consello Galego de Relacións Laborais, en representación de UGT-Galicia, a Juan Manuel Loureiro Taibo e a Trinidad Campos Rodríguez en substitución de Josefina Martínez Bao e Víctor Fernández Prieto.
Santiago de Compostela, 3 de agosto de 2021
María Jesús Lorenzana Somoza
Conselleira de Emprego e Igualdade