Acordo da Xunta de Goberno local do 29 de xullo de 2021.

No Boletín Oficial da provincia da Coruña núm. 148, do 6 de agosto de 2021, publicáronse integramente as bases que rexerán a convocatoria para a selección e provisión do posto de operario/a de servizos múltiples, funcionario/a de carreira pertencente a agrupacións profesionais, encadrado na escala de Administración especial, subescala de servizos especiais, persoal de oficios, incluído na oferta de emprego público de 2020, mediante o sistema de oposición libre.

O prazo para presentar as instancias será de vinte (20) días naturais, contados a partir do seguinte hábil ao de publicación do anuncio de convocatoria no Boletín Oficial del Estado.

Os sucesivos anuncios referentes a esta convocatoria, cando cumpra de conformidade coas bases, faranse públicos na forma prevista nelas.

Monfero, 6 de agosto de 2021

Andrés Feal Varela
Alcalde