De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícanselles ás persoas que se relacionan no anexo os actos que se indican en expedientes de reclamación de danos en materia de estradas (Lei 6/2015, do 7 de agosto, de estradas de Galicia), notificacións devoltas polo servizo de Correos ben por resultar descoñecido/a o/a destinatario/a ben porque, intentada a notificación, non se puido efectuar.

Segundo establece o artigo 46 da citada lei, as persoas interesadas dispoñen dun prazo de dez días, contados desde o día seguinte ao da publicación deste anuncio no Boletín Oficial del Estado, para comparecer na sede do Servizo Provincial da Axencia Galega de Infraestruturas (avenida María Victoria Moreno, 43, 1º, Edificio Administrativo, 36003 Pontevedra), se desexan examinar o expediente e coñecer o contido íntegro deste acto, que contén tamén ofrecemento de prazo de alegacións ou de recursos. Transcorrido o dito prazo de dez días sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Fáiselles saber que contra a dita resolución, definitiva na vía administrativa, cabe recurso contencioso-administrativo ante o xulgado do contencioso-administrativo da circunscrición en que o demandante teña o seu domicilio, ou no de Pontevedra, no prazo de dous meses contados desde o día seguinte ao remate do prazo de dez días antes sinalado ou ao da comparecencia do/da interesado/a, de ser o caso.

Para que conste e lles sirva de notificación ás persoas interesadas, asino e selo este anuncio.

Pontevedra, 19 de agosto de 2021

Manuel Ángel González Juanatey
Xefe do Servizo Provincial de Pontevedra

ANEXO

Expediente	Persoa interesada	Acto notificado	Estrada
RD/PO-116/2021	Pedro Padín Acevedo	Incoación de expediente	PO-254 (Ponteareas-Mondariz)
RD/PO-120/2021	Lucía Solla Blanco	Incoación de expediente	PO-225 (Alba-San Caetano)