A instalación denominada LMTS ATI726 CT Atios-A Guía, no concello do Porriño, foi declarada de utilidade pública mediante Resolución do 6 de agosto de 2020, da Xefatura Territorial de Pontevedra, o que leva implícita a urxente ocupación dos bens e dereitos afectados, da cal é beneficiaria a empresa UFD Distribución Electricidad, S.A.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 25 de novembro de 2021, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello do Porriño.

O interesado recibirá unha notificación individual coa debida antelación legal, na cal se lles comunicará a data e a hora en que deberá presentarse no seu predio, e informándoo de que poderá ir acompañado por un perito ou un notario, pola súa conta, se así o considera conveniente.

Vigo, 30 de setembro de 2021

Tomás Nogueiras Nieto
Xefe territorial de Pontevedra

ANEXO

LMTS ATI726 a CT Atios-A Guía
Nº	Referencia catastral	Paraxe	Cultivo	Nome e apelidos	Nº apoio	m2 solo	Concello
1	36039A00900614000DT	A Guía	Monte baixo	Iñaki Teixeira Rodríguez	CT	15,99	O Porriño