O Pleno do Concello da Laracha, en sesión ordinaria do 24.9.2021, adoptou o seguinte acordo:

Primeiro. Aprobar, ao abeiro do disposto no artigo 42.5 da Lei 2/2016, do solo de Galicia, o cambio de uso dotacional descrito no documento Cambio uso parcela dotacional Concello da Laracha asinado polos arquitectos Ángel Luis Monteoliva Díaz e Íñigo de Miranda Osset en setembro de 2021, en relación ás parcelas anexas ao IES Agra de Leborís, pasando de Sistema local de equipamento educativo (SLed (Pb) a Sistema local de equipamento educativo e deportivo de carácter público (SLEed/dp(Pb).

Segundo. Publicar o presente acordo no Boletín Oficial da provincia (BOP) e no Diario Oficial de Galicia (DOG), e remitir o dito acordo á Consellería de Medio Ambiente e Ordenación do Territorio da Xunta de Galicia, para o seu coñecemento e efectos, así como para a inclusión nos sistemas de información urbanística da Comunidade Autónoma. No anuncio de aprobación farase constar a dita remisión.

Contra esta disposición administrativa de carácter xeral pódese interpoñer directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo de dous meses que se contará a partir do día seguinte ao da publicación deste anuncio, de conformidade co artigo 46 da Lei 29/1998, reguladora da xurisdición contencioso-administrativa, sen prexuízo de que se poida interpoñer calquera outro recurso que se entenda máis procedente e sexa conforme a dereito.

A Laracha, 4 de outubro de 2021

José Manuel López Varela
Alcalde