Mediante a Resolución do 1 de setembro de 2021, publicada no Diario Oficial de Galicia número 178, do 15 de setembro, e mais no Boletín Oficial del Estado número 221 na mesma data, convocouse a provisión, polo sistema de libre designación, de postos de traballo vacantes no Instituto de Medicina Legal de Galicia.
De conformidade co establecido nos artigos 56 e seguintes do Real decreto 1451/2005, do 7 de decembro, polo que se aproba o Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza, e mais no Decreto da Xunta de Galicia 119/2005, do 6 de maio, polo que se crea o Instituto de Medicina Legal de Galicia, a Dirección Xeral de Xustiza
DISPÓN:
Primeiro. Resolver, segundo se detalla no anexo, a convocatoria pública efectuada pola Resolución desta dirección xeral do 1 de setembro de 2021.
Segundo. O prazo de toma de posesión será de tres días hábiles se non implica cambio de localidade do funcionario, e de oito días se implica cambio de localidade dentro da comunidade autónoma.
O prazo de toma de posesión empezará a contar a partir do día seguinte ao do cesamento, que se deberá efectuar dentro dos tres días hábiles seguintes ao da publicación da presente resolución no Boletín Oficial del Estado.
Terceiro. Contra a presente resolución, que pon fin á vía administrativa, as persoas interesadas poderán interpoñer recurso potestativo de reposición ante a Dirección Xeral de Xustiza no prazo dun mes contado desde o día seguinte ao da súa publicación no Boletín Oficial del Estado, de conformidade co establecido na Lei 39/2015, do 1 de outubro, do procedemento administrativo común das administracións públicas; ou poderana impugnar directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 22 de outubro de 2021
Juan José Martín Álvarez
Director xeral de Xustiza
ANEXO
Posto adxudicado |
Adxudicatario/a |
Nome do posto: subdirector/ora. Centro de destino: Instituto de Medicina Legal de Galicia. Subdirección Territorial. Localidade: A Coruña. Código do posto: XG9251820015001310.02. |
Berta Rodríguez Martínez |
Nome do posto: subdirector/ora. Centro de destino: Instituto de Medicina Legal de Galicia. Subdirección Territorial. Localidade: Lugo. Código do posto: XG9251820027001306.02. |
Deserto |