Por delegación do alcalde, a concelleira delegada de Economía, Facenda e Patrimonio adoptou o 18.10.2021 a seguinte resolución:
Primeiro. Aprobar inicialmente a mutación demanial subxectiva, a favor da Consellería de Política Social da Comunidade Autónoma de Galicia, da parcela 4057316NJ6145N0000MG situada no Bertón, inventariada no Inventario Municipal co código 1.118.200 con carácter de ben demanial, e inscrita no Rexistro da Propiedade número 1 de Ferrol como predio rexistral 74638, referencia catastral 4057316NJ6145N0000MG, tomo 2691, libro 1128, folio 112, inscrición primeira.
Segundo. Condicionar a mutación demanial subxectiva ao cumprimento da finalidade establecida no convenio subscrito entre o Concello de Ferrol e a Consellería de Política Social da Comunidade Autónoma de Galicia, que é a construción dun centro residencial público destinado á atención de maiores en situación de dependencia.
Serán causas de resolución da mutación demanial subxectiva e de reversión do ben ao Concello de Ferrol:
– Non destinar o ben ou deixar de destinalo ao uso de residencia de persoas maiores.
– Non realizar a construción segundo os termos do convenio.
– As demais causas resolutivas ou extintivas previstas no texto do convenio.
Terceiro. Acordar un período de información pública, mediante a publicación do acordo no Boletín Oficial da provincia da Coruña, por prazo de vinte días, para os efectos de reclamacións e alegacións, de conformidade co disposto no artigo 110 do Regulamento de bens das entidades locais.
Transcorrido o prazo sen que se formulen alegacións, entenderase definitivamente aprobada a mutación demanial subxectiva acordada.
Cuarto. Dar conta do acordo adoptado á Consellería de Medio Ambiente, Territorio e Vivenda.
Quinto. Emprazar a Comunidade Autónoma de Galicia para formalización e sinatura da acta de recepción e entrega previa, como requisito indispensable para a mutación demanial aprobada.
Sexto. Anotar a mutación demanial subxectiva no Inventario Municipal de Bens para o efecto de actualizalo e remitir a documentación ao Rexistro da Propiedade para a súa inscrición.
Ferrol, 21 de outubro de 2021
O alcalde
P.D. (Alcaldía do 8.7.2019; BOP núm. 137, do 22 de xullo)
Mª Teresa Deus Trasobares
Concelleira delegada de Economía, Facenda e Patrimonio