De conformidade co disposto no artigo 45 da Lei 39/2015, do procedemento administrativo común das administracións públicas, e en aplicación da Resolución emitida pola Presidencia de Portos de Galicia o 22 de novembro de 2021, anúnciase mediante a publicación no Diario Oficial de Galicia e na páxina web https://portosdegalicia.gal, sección Comunicacións e avisos, epígrafe Alleamento de embarcacións, o inicio do procedemento para a venda directa de diversas embarcacións incautadas por Portos de Galicia.
A resolución de convocatoria, as bases aplicables a esta, a relación de embarcacións, o modelo de proposición económica e os restantes anexos que deberán cubrir os interesados poderán ser consultados e descargados a través da páxina web https://portosdegalicia.gal, sección Comunicacións e avisos, epígrafe Alleamento de embarcacións.
O prazo de presentación de ofertas finaliza o día 24 de xaneiro de 2022.
Santiago de Compostela, 22 de novembro de 2021
Susana Lenguas Gil
Presidenta de Portos de Galicia