Visto o expediente para o outorgamento de autorización administrativa previa e de construción da instalación eléctrica que a seguir se describe:

Solicitante: Metrovacesa, S.A.

Domicilio social: rúa Quintanavides, 13, 28050 Madrid.

Denominación: proxecto LMTS, CTC 400 kVA e RBTS para subministración eléctrica a urbanización do Plan parcial de ordenación da rúa Peregrino, sector 1, SUNP 31.

Situación: rúa Peregrino, sector 1, SUNP 31, San Marcos, Santiago de Compostela.

Características técnicas:

Nova instalación de alta tensión, composta por:

– Liña de media tensión soterrada de 20 kV, conexión na liña existente LMTS SCY-825, con inicio e fin en empalmes proxectados, sita no tramo comprendido entre os centros CT 15CD30 e 15CG55, con entrada e saída no centro de transformación proxectado, condutor RHZ1 2OL 12/20 kV 3×(1×240 mm²) Al, lonxitude 28 m (ida e volta).

– Centro de transformación compacto en edificio prefabricado, manobra exterior, con cela compacta SF6 composta por 2 celas de liña e 1 cela de protección con fusibles (24 kV, 400 A, 16 kA), e transformador trifásico, de 400 kVA, refrixeración natural en aceite e relación de transformación (20 kV/400 V).

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:

Conceder a autorización administrativa previa e a autorización administrativa de construción das devanditas instalacións, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

A presente autorización entenderase outorgada, salvo o dereito de propiedade e sen prexuízo do de terceiro, e non poderá ser invocada para excluír ou diminuír a responsabilidade civil ou penal na que puidera incorrer o beneficiario no exercicio da actividade ou na explotación da instalación autorizada.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra o presente acordo, que non é definitivo en vía administrativa, cabe interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes contado a partir do día seguinte ao da súa notificación ou publicación, nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas; sen prexuízo de que os interesados poidan interpor calquera outro recurso que consideren pertinente.

A Coruña, 25 de outubro de 2021

Isidoro Martínez Arca
Xefe territorial da Coruña