No DOG núm. 110, do 11 de xuño de 2021, publicouse a Orde do 9 de xuño de 2021 pola que se establecen as bases reguladoras do III Plan de rescate das persoas traballadoras autónomas, profesionais e empresas particularmente afectadas pola crise da COVID-19 mediante axudas directas para o apoio á solvencia e redución do endebedamento do sector privado, a través do Programa I de persoas traballadoras autónomas en estimación obxectiva (TR600A), do Programa II de apoio as persoas traballadoras autónomas individuais e persoas traballadoras autónomas ou empresas con ata 10 persoas traballadoras, ou de ata 25 persoas traballadoras cun volume de facturación de ata 2 millóns de euros (TR600B) e do Programa III de apoio as persoas traballadoras autónomas ou empresas con máis de 10 persoas traballadoras, e cun volume de facturación de máis de 2 millóns de euros, ou empresas de máis de 25 persoas traballadoras (TR600C), e se procede á súa convocatoria para o ano 2021.
Segundo o apartado 2 do artigo 5 da Orde do 9 de xuño de 2021, de producirse remanentes de crédito na asignación inicial para o financiamento de cada programa, procederase á reasignación das contías sobrantes para atender as necesidades de crédito doutros programas.
No Programa II de apoio as persoas traballadoras autónomas individuais e persoas traballadoras autónomas ou empresas con ata 10 persoas traballadoras, ou de ata 25 persoas traballadoras cun volume de facturación de ata 2 millóns de euros (TR600B), non existe crédito suficiente na anualidade 2021 para atender a todas as solicitudes. Por outra parte no Programa I de persoas traballadoras autónomas en estimación obxectiva (TR600A) e no Programa III de apoio as persoas traballadoras autónomas ou empresas con máis de 10 persoas traballadoras, e cun volume de facturación de máis de 2 millóns de euros, ou empresas de máis de 25 persoas traballadoras (TR600C), unha vez revisados todos os expedientes se comproba que existen remanente de crédito que se pode reasignar ao outro programas.
En consonancia co parágrafo anterior, o artigo 31 do Regulamento da Lei 9/2007, do 13 de xuño, de subvencións de Galicia, aprobado polo Decreto 11/2009, do 8 de xaneiro, establece que a alteración da distribución entre os créditos consignados non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria.
Por todo o exposto e co fin de atender máis solicitudes dos programas de axudas da Orde do 9 de xuño de 2021,
RESOLVO:
Primeiro. Modificar o crédito destinado ás axudas convocadas pola Orde do 9 de xuño de 2021 pola que se establecen as bases reguladoras do III Plan de rescate das persoas traballadoras autónomas, profesionais e empresas particularmente afectadas pola crise da COVID-19 mediante axudas directas para o apoio á solvencia e redución do endebedamento do sector privado, a través do Programa I de persoas traballadoras autónomas en estimación obxectiva (TR600A), do Programa II de apoio as persoas traballadoras autónomas individuais e persoas traballadoras autónomas ou empresas con ata 10 persoas traballadoras, ou de ata 25 persoas traballadoras cun volume de facturación de ata 2 millóns de euros (TR600B) e do Programa III de apoio as persoas traballadoras autónomas ou empresas con máis de 10 persoas traballadoras, e cun volume de facturación de máis de 2 millóns de euros, ou empresas de máis de 25 persoas traballadoras (TR600C), e se procede a súa convocatoria para o ano 2021, redistribuíndo o crédito asignado en cada programa de axudas e sen variar o orzamento total consignado na convocatoria.
Procedementos |
Programa de axudas |
Aplicacións |
Incremento |
Minoración |
TR600A |
Progr. I |
11.04.322C.470.12 |
12.000.000,00 |
|
TR600C |
Progr. III |
11.04.322C.470.14 |
15.000.000,00 |
|
Total |
27.000.000,00 |
|||
TR600B |
Progr. II |
11.04.322C.470.13 |
27.000.000,00 |
|
Total |
27.000.000,00 |
Segundo. Esta modificación, unha vez publicada no Diario Oficial de Galicia, non implicará apertura de prazo para presentar novas solicitudes.
Santiago de Compostela, 17 de novembro de 2021
Covadonga Toca Carús
Directora xeral de Emprego, Traballo Autónomo e Economía Social