De conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación da resolución ditada pola Xefatura Territorial no último domicilio coñecido da persoa interesada sen que esta se puidese efectuar por causas non imputables á Administración, emprazase a persoa citada no anexo, ou aos seus representantes debidamente acreditados, para proceder á notificación da resolución ditada no dito procedemento competencia desta xefatura territorial. No prazo de dez (10) días, contados desde o día seguinte ao da data de publicación deste anuncio no Boletín Oficial del Estado, poderá comparecer nas dependencias do Servizo de Dependencia e Autonomía Persoal da Xefatura Territorial da Consellería de Política Social, na praza da Estrela, s/n, 3º andar, de Vigo, en horario de mañá entre as 9.00 e as 14.00 horas, de luns a venres, para os efectos de coñecer o texto íntegro da dita resolución e advertíndolle que, de non facelo así, se terá por practicada a notificación ao vencemento do prazo indicado para comparecer.

Este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírtese que contra esta resolución, que non esgota a vía administrativa, poderase interpoñer o recurso de alzada no prazo dun mes, a partir do día seguinte ao da súa notificación, practicada por comparecencia, dirixido á persoa titular da Consellería de Política Social, conforme os artigos 121 e 122 da Lei 39/2015, do 1 de outubro.

Vigo, 16 de novembro de 2021

María José Pérez-Izaguirre López
Xefa territorial de Vigo

ANEXO

Procedemento/Nº de expediente	DNI da persoa interesada	Acto obxecto de notificación	Data do acto administrativo
BS210A/PO-61922	35227501B	Resolución por falecemento e arquivamento	13.7.2021