DOG 245 do 23/12/2021 - RESOLUCIÓN do 2 de decembro de 2021 pola que se publica a modificación do plan de estudos do máster universitario en Procesos de Formación.

III. Outras disposicións

Universidade de Santiago de Compostela

RESOLUCIÓN do 2 de decembro de 2021 pola que se publica a modificación do plan de estudos do máster universitario en Procesos de Formación.

Consonte o disposto nos artigos 26 e 28 do Real decreto 1393/2007, do 29 de outubro, polo que se establece o procedemento para a modificación de plans de estudos xa verificados, e unha vez recibido o informe favorable da Axencia para a Calidade do Sistema Universitario de Galicia ás modificacións presentadas a este plan, con data do 6 de maio de 2021,

Esta reitoría, de conformidade co disposto no artigo 35 da Lei orgánica 6/2001, de universidades, na redacción dada pola Lei orgánica 4/2007, resolve publicar a modificación do plan de estudos conducente á obtención do título oficial de máster universitario en Procesos de Formación pola Universidade de Santiago de Compostela, que quedará configurado consonte o anexo a esta resolución.

Santiago de Compostela, 2 de decembro de 2021

Antonio López Díaz
Reitor da Universidade de Santiago de Compostela

ANEXO

Máster universitario en Procesos de Formación pola Universidade de Santiago de Compostela (mod. 2021)

Código RUCT: 4311781.

Rama de coñecemento: Ciencias Sociais e Xurídicas.

Universidades participantes: Universidade de Santiago de Compostela.

Modalidade de impartición: semipresencial.

Cadro 1. Distribución de créditos ECTS segundo o tipo de materia

Tipo de materia	Créditos ECTS
Obrigatorias	24
Optativas	18
Prácticas externas OB	6
Traballo fin de máster	12
Créditos totais	60

Cadro 2. Plan de estudos do máster.

Materia	Carácter	Créditos	Curso	Módulo
Investigación en Avaliacións de Programas e Institucións	Obrigatoria	6	1ºc	Módulo de Investigación
Investigación en e-Learning	Obrigatoria	6	1ºc
Investigación en Formación e Recursos Humanos	Obrigatoria	6	1ºc
Atención á Diversidade e Procesos de Inclusión	Optativa	6	1ºc	Módulo Optativas Xerais
Avaliación e Orientación de Competencias	Optativa	6	1ºc
Formación de Formadores e Profesionais de Axuda	Optativa	6	1ºc
Planificación de Procesos Formativos	Optativa	6	1ºc
Calidade: Modelos, Enfoques e Técnicas	Optativa	3	1ºc	Módulo de Innovación e Calidade
Innovación e Creatividade	Optativa	3	1ºc	Módulo de Innovación e Calidade
Asesoramento ás Institucións	Optativa	3	1ºc	Módulo de Orientación e Asesoramento
Titoría e Mentoría na Formación	Optativa	3	1ºc	Módulo de Orientación e Asesoramento
Prácticas obrigatorias	Obrigatoria	6	1ºc	Prácticas
Traballo fin de máster	Obrigatoria	12	1ºc	Fin de Máster
Deseños e técnicas de investigación educativa	Obrigatoria	6	1ºc	Módulo de Obrigatorias Xerais

Especialidades:

Este máster non ten especialidades, pero si dous itinerarios formativos:

– Innovación e calidade.

– Orientación e asesoramento.

Para obter o título por un itinerario o alumnado deberá cursar as dúas materias do módulo de orientación correspondente. Tamén pode optar por finalizar os seus estudos sen itinerario.