Mediante a Resolución conxunta do 5 de abril de 2021 (DOG nº 77, do luns 26 de abril) convocáronse os premios de innovación educativa aos proxectos sobre consumo responsable Galicons-net.

Vista a proposta efectuada polo xurado mencionado no artigo 16 da citada resolución, relativa á selección dos traballos presentados segundo os criterios previstos no artigo 17, procede á súa publicación de conformidade con ela. Na súa virtude,

RESOLVEMOS:

Primeiro. Declarar gañador do premio na categoría A (alumnado de segundo ciclo de educación infantil e de educación primaria), dotado coa contía de 1.500 euros, o proxecto «Unha mirada diferente», realizado polo CEIP Álvaro Cunqueiro.

Segundo. Declarar gañador do premio na categoría B (alumnado de educación secundaria obrigatoria), dotado coa contía de 1.500 euros, o proxecto «e-CRSM. Consumo responsable nas sociedades modernas», realizado polo IES Primeiro de Marzo.

Terceiro. Declarar deserta a categoría C (alumnado de bacharelato, de ciclos formativos de grao medio e de grao superior de formación profesional e de educación para persoas adultas).

Cuarto. Declarar deserta a categoría D (alumnado de educación especial).

Santiago de Compostela, 30 de novembro de 2021

Román Rodríguez González Conselleiro de Cultura, Educación e Universidade

Manuel Heredia Pérez Director xeral de Comercio e de Consumo