Mediante a Orde do 2 de novembro de 2021 pola que se modifica a Orde do 20 de xullo de 2021 pola que se determinan as bases reguladoras para a concesión de prazas e bolsas nas residencia xuvenís dependentes da Consellería de Política Social para o curso académico 2021/22, publicada no Diario Oficial de Galicia número 216, do 10 de novembro de 2021, ábrese un novo prazo de presentación de solicitudes para a cobertura das prazas vacantes nas residencias xuvenís nos procedementos BS303B para persoas estudantes e BS303D para persoas traballadoras que se someterán ás bases establecidas na dita Orde do 20 de xullo de 2021.
O número de prazas residenciais vacantes convocadas e a súa distribución por residencias e procedemento é o seguinte:
Concello |
Residencia |
Nº prazas BS303B (persoas estudantes non bolseiras) |
Nº prazas BS303D (persoas traballadoras) |
Total |
Lugo |
Centro Residencial Xuvenil LUG |
3 |
7 |
10 |
Ourense |
Florentino López Cuevillas |
7 |
5 |
12 |
De conformidade co artigo 13 da Orde do 20 de xullo de 2021, a resolución de adxudicación de prazas correspóndelle á persoa titular da xefatura territorial da provincia onde radique a residencia xuvenil, por delegación da persoa titular da Consellería de Política Social.
Tras a instrución do procedemento, o 14 de decembro de 2021 emítese a resolución da adxudicación das prazas vacantes ofertadas para a residencia xuvenil Florentino López Cuevillas en Ourense.
Así mesmo, o artigo 14 da dita Orde do 20 de xullo de 2021 establece que se publicarán no Diario Oficial de Galicia, de acordo co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións destes procedementos. Esta publicación producirá os efectos de notificación.
Polo exposto,
RESOLVO:
Primeiro. Ordenar a publicación, no Diario Oficial de Galicia, da Resolución do 14 de decembro de 2021, que finaliza o procedemento de concesión para o curso 2021/22 de prazas vacantes na residencia xuvenil Florentino López Cuevillas, ditada pola Xefatura Territorial de Ourense da Consellería de Política Social (códigos de procedemento BS303B e BS303D), que se recolle no anexo á resolución.
Segundo. Comunicar que a resolución de concesión de prazas que finaliza o procedemento esgota a vía administrativa e que contra ela se poderá interpor potestativamente recurso de reposición, ante o mesmo órgano que a ditou, no prazo dun mes que se contará a partir do día seguinte ao da súa publicación no Diario Oficial de Galicia.
Esta resolución tamén poderá ser impugnada directamente ante o Tribunal Superior de Xustiza, órgano contencioso-administrativo competente, no prazo de dous meses a partir do día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 28 de decembro de 2021
Cristina Pichel Toimil
Directora xeral de Xuventude, Participación e Voluntariado
ANEXO
Residencia xuvenil Florentino López Cuevillas (Ourense)
Resolución do 14 de decembro de 2021, da Xefatura Territorial de Ourense da Consellería de Política Social, ditada nos procedementos BS303B, BS303C e BS303D de concesión de prazas e bolsas, pola que se aproba a relación definitiva de persoas beneficiarias das prazas na residencia xuvenil Florentino López Cuevillas para o curso académico 2021/22.
Coa publicación da Orde do 2 de novembro de 2021 (DOG 216, do 10 de novembro) pola que se modifica a Orde do 20 de xullo de 2021 pola que se determinan as bases reguladoras para a concesión de prazas e bolsas nas residencias xuvenís dependentes desta consellería para o curso académico 2021/22 (códigos de procedemento BS303B, BS303C e BS303D), abriuse un novo prazo de presentación de solicitudes para a cobertura das prazas vacantes nos procedementos BS303B e BS303D.
Convocada unha nova oferta de prazas, procedementos BS303B e BS303D, nas residencias xuvenís dependentes da Consellería de Política Social para o curso académico 2021/22, e tendo en conta os seguintes
Antecedentes:
Primeiro. Unha vez examinadas as solicitudes presentadas para a residencia xuvenil Florentino López Cuevillas de conformidade co artigo 2 da Orde do 2 de novembro de 2021 (DOG 216, do 10 de novembro), recíbense dúas solicitudes para o procedemento BS303B, persoas estudantes non bolseiras, que son admitidas a trámite e avaliadas pola comisión de cualificación, de conformidade co establecido na Orde do 20 de xullo de 2021 pola que se determinan as bases reguladoras para a concesión de prazas e bolsas nas residencias xuvenís dependentes desta consellería e se convocan para o curso académico 2021/22 (DOG núm. 144, do 29 de xullo). Do resultado da baremación, a comisión de cualificación eleva o informe ao órgano instrutor.
Non se presentaron solicitudes para o procedemento BS303D, persoas traballadoras.
Segundo. O órgano instrutor, con base no informe da comisión cualificadora e tendo en conta as prazas ofertadas na convocatoria, eleva a súa proposta de adxudicación de prazas para persoas estudantes non bolseiras.
Vistos os antecedentes citados e tendo en conta o disposto nos artigos 9 e 11 da Orde do 20 de xullo de 2021 e os demais preceptos normativos de xeral e pertinente aplicación, esta xefatura territorial
RESOLVE:
Primeiro. Á vista das solicitudes presentadas en prazo regulamentario, con base no artigo 1 da Orde do 20 de xullo de 2021 pola que se determinan as bases reguladoras para a concesión de prazas e bolsas nas residencias xuvenís dependentes desta consellería e se convocan para o curso académico 2021/22, e demais requisitos exixidos na convocatoria, así mesmo, segundo o establecido no artigo 13 da Orde do 20 de xullo de 2021, adxudícanse as seguintes prazas para a residencia xuvenil Florentino López Cuevillas para o curso académico 2021/22, para o procedemento BS303B, persoas estudantes non bolseiras, coa orde e puntuación que figura no anexo.
Segundo. De conformidade co artigo 15 da Orde do 20 de xullo de 2021, as persoas estudantes beneficiarias das prazas deberán entregar a documentación indicada no número 1 deste artigo.
Ademais, as persoas beneficiarias de prazas para persoas estudantes non bolseiras, unha vez comunicada a admisión farán entrega dunha mensualidade completa en concepto de reserva de praza consonte o estipulado no artigo 20.2 da Orde do 20 de xullo de 2021.
Terceiro. De conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas, publicaranse as resolucións deste procedemento no Diario Oficial de Galicia. Esta publicación producirá os efectos de notificación.
Serán, igualmente, obxecto de publicidade a través da páxina web da Dirección Xeral de Xuventude, Participación e Voluntariado, http://xuventude.xunta.es, con carácter complementario.
Cuarto. Esta resolución pon fin á vía administrativa e contra ela pódese interpoñer recurso potestativo de reposición ante o mesmo órgano que a ditou, no prazo dun mes contado a partir do día seguinte ao da publicación da resolución no Diario Oficial de Galicia, ou impugnalas directamente ante a orde xurisdicional contencioso-administrativa, no prazo de dous meses contados a partir do día seguinte ao da publicación da resolución no Diario Oficial de Galicia, de conformidade co disposto no artigo 46.1 da Lei 29/1998, do 13 de xullo, reguladora da xurisdición contencioso-administrativa.
Ourense, 14 de decembro de 2021. A conselleira de Política Social. P.D. (Artigo 13 da Orde do 20 de xullo de 2021; DOG núm. 144, do 29 de xullo). María José Fernández Laso, jefa territorial de Ourense.
ANEXO
Procedemento BS303B (persoas estudantes non bolseiras)
Lista de solicitudes estimadas
Nº orde |
Nº de expediente |
Apelidos e nome |
DNI/NIE |
Puntuación |
1 |
2021/001 |
Quintas Martínez, Manuel |
***6993** |
11,45 |
2 |
2021/002 |
Pomares Ulloa, Jacobo |
***6128** |
10,25 |