O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para lle dar cumprimento a esa obriga,
DISPOÑO:
Artigo único
Dar publicidade da relación dos convenios subscritos pola Secretaría Xeral da Emigración nos meses de setembro, outubro, novembro e decembro do ano 2021, que se incorpora como anexo a esta resolución.
Santiago de Compostela, 5 de xaneiro de 2022
Antonio Rodríguez Miranda
Secretario xeral da Emigración
ANEXO
Convenios de colaboración subscritos pola Secretaría Xeral da Emigración
nos meses de setembro, outubro, novembro e decembro do ano 2021
Nome |
Obxecto |
Importe |
Data da sinatura |
Addenda ao convenio de colaboración entre a Secretaría Xeral da Emigración da Xunta de Galicia e a Fundación Apoyo a la Ciudadanía Española en Venezuela para a prestación de asistencia socio-asistencial especial e sanitaria de emerxencia a persoas de orixe galega residentes en Venezuela. |
Modificar a cláusula terceira coa finalidade de incrementar a dotación económica en 20.000 € e ampliar os prazos de xustificación e de vixencia previstos na cláusula sexta e na décimo quinta. |
20.000,00 € |
28.9.2021 |
Addenda ao convenio de colaboración entre a Secretaría Xeral da Emigración da Xunta de Galicia e a Federación de Sociedades Gallegas de Cuba para o mantemento dunha oficina de información e asesoramento en Cuba e dos puntos de información provinciais. |
Modificar a cláusula terceira coa finalidade de incrementar a dotación económica en 10.000 € e ampliar os prazos de xustificación e de vixencia previstos na cláusula sexta e na décimo quinta. |
10.000,00 € |
14.10.2021 |
Convenio de colaboración entre a Secretaría Xeral da Emigración da Xunta de Galicia e a Asociación de Empresarios y Profesionales Gallegos de Estados Unidos para a instalación dun cruceiro en Bay Front Park-Miami. |
Este convenio ten por obxecto establecer o marco de colaboración entre as entidades asinantes para instalar a escultura denominada O Cruceiro Galego, un cruceiro en pedra realizado polo escultor Santiago Besada, en Bay Front Park de Miami, como símbolo que contribuirá a manter e reforzar os vínculos con Galicia e a poñer en valor a nosa comunidade, a súa cultura e tradicións entre a colectividade galega de Florida e o resto da poboación estadounidense. |
19.500,00 € |
22.11.2021 |
Convenio de colaboración entre a Secretaría Xeral da Emigración da Xunta de Galicia e o Centro Gallego de Madrid para a actuación urxente na fachada da sede social. |
Este convenio ten por obxecto establecer o marco de colaboración entre as entidades asinantes para a retirada do letreiro deteriorado e a reparación urxente da fachada, instalando uns novos sinais de identificación na sede social do Centro Gallego de Madrid. |
9.500,00 € |
7.12.2021 |