O Pleno da Corporación, na sesión ordinaria que tivo lugar o día 30 de setembro de 2021, adoptou, entre outros, o seguinte acordo:

– Aprobar definitivamente o estudo de detalle para o reaxuste de aliñación e rasante na avda. da Coruña nº 74 e na rúa Fonte San Blas nº 1, San Xoán de Lagostelle (expediente número 363/2021).

O texto do documento aprobado definitivamente pode ser consultado no enderezo electrónico do concello www.concellodeguitiriz.com

Así mesmo, faise constar que, unha vez publicado este anuncio, se remitirá á Consellería de Medio Ambiente, Territorio e Vivenda unha copia dixitalizada, en soporte dixital, do documento aprobado definitivamente, para os efectos previstos nos artigos 82.4 e 88.3 da Lei 2/2016, do solo de Galicia.

Contra o presente acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio, de conformidade coa Lei 29/1998, do 13 de xullo, da xurisdición contencioso-administrativa, sen prexuízo de que se poida interpor calquera outro recurso que se considere máis conveniente.

Guitiriz, 17 de xaneiro de 2022

Marisol Morandeira Morandeira
Alcaldesa