DOG 26 do 8/02/2022 - ANUNCIO do 24 de xaneiro de 2022, da Xefatura Territorial da Coruña, de consignación do prezo xusto determinados polo Xurado de Expropiación de Galicia no expediente IN407A 2015/545-1, no concello de Abegondo.

VI. Anuncios

a) Administración autonómica

Vicepresidencia segunda e Consellería de Economía, Empresa e Innovación

ANUNCIO do 24 de xaneiro de 2022, da Xefatura Territorial da Coruña, de consignación do prezo xusto determinados polo Xurado de Expropiación de Galicia no expediente IN407A 2015/545-1, no concello de Abegondo.

Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese practicar...», mediante o presente anuncio infórmase da consignación dos prezos xustos determinados polo Xurado de Expropiación de Galicia, máis os xuros correspondentes, no procedemento expropiatorio sobre os bens e dereitos afectados pola instalación eléctrica denominada recuamento LMT, CES-705 entre CT Vilanova e derivada CT Asadiño, no concello de Abegondo (expediente IN407A 2015/545-1), correspondentes aos predios e ás titularidades que se sinalan no cadro anexo que máis abaixo se detalla.

A Coruña, 24 de xaneiro de 2022

Isidoro Martínez Arca
Xefe territorial da Coruña

ANEXO

Expediente: IN407A 2015/545-1.

Entidade beneficiaria: UFD Distribución Electricidad, S.A.

Denominación da instalación: recuamento LMT, CES-705 entre CT Vilanova e derivada CT Asadiño.

Concello: Abegondo.

Predio	Titularidade proposta	Depósito	Importe
4/1	Descoñecida	1738/2021	3,02 €
7	Descoñecida	1739/2021	4,53 €