DOG 27 do 9/02/2022 - ANUNCIO do 31 de xaneiro de 2022, da Dirección Xeral da Función Pública, polo que se notifica a resolución á reclamación da puntuación obtida no primeiro exercicio por parte do tribunal que xulga o proceso selectivo para o ingreso no corpo auxiliar da Administración xeral da Comunidade Autónoma de Galicia, subgrupo C2.

VI. Anuncios

a) Administración autonómica

Consellería de Facenda e Administración Pública

ANUNCIO do 31 de xaneiro de 2022, da Dirección Xeral da Función Pública, polo que se notifica a resolución á reclamación da puntuación obtida no primeiro exercicio por parte do tribunal que xulga o proceso selectivo para o ingreso no corpo auxiliar da Administración xeral da Comunidade Autónoma de Galicia, subgrupo C2.

De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle á persoa relacionada no anexo, o acto que se indica, devolto polo servizo de Correos, porque intentada a notificación non se puido practicar.

Segundo establece o artigo 46 da citada lei, a persoa interesada dispón dun prazo de dez días, contados desde o día seguinte ao da publicación deste anuncio no Boletín Oficial del Estado, para comparecer nas dependencias da Dirección Xeral da Función Pública, situadas no complexo administrativo de San Caetano, edificio número un, planta segunda, en Santiago de Compostela, se desexa coñecer o contido íntegro deste acto, que contén tamén ofrecemento de prazo de recursos. Transcorrido o dito prazo de dez (10) días sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.

Santiago de Compostela, 31 de xaneiro de 2022

José María Barreiro Díaz
Director xeral da Función Pública

ANEXO

DNI/NIF	Acto notificado
32801307H	Resolución do tribunal